ಕಾರಾಗೃಹಗಳು ಮನ ಪರಿವರ್ತನಾ ಕೇಂದ್ರಗಳಾಗಬೇಕು ಎಂಬ ಚಿಂತನೆಗೆ ಹಾವೇರಿ ಜಿಲ್ಲಾ ಉಪ ಕಾರಾಗೃಹ ಸಾಕ್ಷಿಯಾಗಿದೆ. ನಗರದ ಕೆರಿಮತ್ತಿಹಳ್ಳಿಯಲ್ಲಿರುವ ಜಿಲ್ಲಾ ಉಪಕಾರಾಗೃಹದಲ್ಲಿರುವ 180 ಕೈದಿಗಳು ಸ್ವಾವಲಂಬಿ ಜೀವನ ನಡೆಸುತ್ತಿದ್ದಾರೆ. ತಾವೇ ಕಷ್ಟಪಟ್ಟು ಬೆಳೆ ಬೆಳೆದು, ತಾವು ಬಳಸಿ ಉಳಿದ ಫಸಲು ಮಾರಾಟ ಮಾಡುತ್ತಿದ್ದಾರೆ. ಇದ್ರಿಂದ ಎರಡು ತಿಂಗಳಿಗೆ 70 ಸಾವಿರ ರೂಪಾಯಿ ಆದಾಯ ಗಳಿಸಿದ್ದಾರೆ. ಕಾಯಕವೇ ಕೈಲಾಸ ಕಲ್ಪನೆಯಲ್ಲಿ ಅಲ್ಲಿನ ಕೈದಿಗಳು ಕಾರ್ಯನಿರ್ವಹಿಸುತ್ತಿರುವುದರಿಂದ ಮಾದರಿ ಕಾರಾಗೃಹ ಮಾರ್ಪಟ್ಟಿದೆ.
ಕೈದಿಗಳ ಸ್ವಾವಲಂಬಿ ಬದುಕು.... ಇತರರಿಗೂ ಮಾದರಿ...