ನವದೆಹಲಿ:ಯುಪಿಎ ಸರ್ಕಾರದ ಅವಧಿಯಲ್ಲೂ ಸರ್ಜಿಕಲ್ ಸ್ಟ್ರೈಕ್ ನಡೆದಿದೆ ಎಂದು ಹೇಳಿಕೊಳ್ಳುತ್ತಿದ್ದ ಕಾಂಗ್ರೆಸ್ ಪಕ್ಷ, ಇದೀಗ ದಿನಾಂಕ ಸಹಿತ ಮಾಹಿತಿ ನೀಡಿ, ಆಡಳಿತ ಪಕ್ಷ ಬಿಜೆಪಿಗೆ ತಿರುಗೇಟು ನೀಡಿದೆ.
ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಪತ್ರಿಕಾಗೋಷ್ಟಿ ನಡೆಸಿ ಮಾತನಾಡಿರುವ ಕಾಂಗ್ರೆಸ್ ಮುಖಂಡ ರಾಜೀವ್ ಶುಕ್ಲಾ, ಮನಮೋಹನ್ ಸಿಂಗ್ ಸರ್ಕಾರ ಆಡಳಿತ ನಡೆಸುತ್ತಿದ್ದ ವೇಳೆ ಆರು ಸಲ ಈ ರೀತಿಯ ದಾಳಿ ನಡೆಸಲಾಗಿದೆ ಎಂದರು.
ಮೊದಲ ಸರ್ಜಿಕಲ್ ಸ್ಟ್ರೈಕ್ ಜನವರಿ 6, 2013 ಸವನ್ ಪಾತ್ರಾ ಚಕ್ಪೋಸ್ಟ್, 2013 ರ ಜುಲೈ 27 ಮತ್ತು 28ರಂದು ನಜಾಫೀರ್ ಸೆಕ್ಟರ್ ಹಾಗೂ ಆಗಸ್ಟ್ 6, 2013 ರಂದು ನಿಲಂ ವ್ಯಾಲಿ ಮತ್ತು 2014 ರ ಜನವರಿ 14 ರಂದು ಸರ್ಜಿಕಲ್ ಸ್ಟ್ರೈಕ್ ನಡೆಸಿದ್ದೇವೆ. ಯುಪಿಎ ಆಡಳಿತಾವಧಿಯಲ್ಲಿ ಹೀಗೆ ಒಟ್ಟು ಆರು ಬಾರಿ ಸರ್ಜಿಕಲ್ ಸ್ಟ್ರೈಕ್‌ಗಳನ್ನು ಕೈಗೊಳ್ಳಲಾಗಿದೆ ಎಂದು ವಿವರಿಸಿದರು.
ಇದೇ ವೇಳೆ ಜೂನ್ 19, 2008 ರಂದು ಬಟಲ್ ಸೆಕ್ಟರ್ನಲ್ಲೂ, ಆಗಸ್ಟ್ 30 ಹಾಗೂ ಸೆ.1, 2011 ರಲ್ಲಿ ಶಾರದಾ ಸೆಕ್ಟರ್ನಲ್ಲೂ ದಾಳಿ ನಡೆಸಲಾಗಿದೆ ಎಂದು ಮಾಹಿತಿ ನೀಡಿದರು.
