ಆಂಧ್ರ ಸಿಎಂ ಜಗನ್​ ತಾಯಿ ಪ್ರಯಾಣಿಸುತ್ತಿದ್ದ ಕಾರು ಕರ್ನೂಲ್ ಬಳಿ ಅಪಘಾತ

ಆಂಧ್ರಪ್ರದೇಶ ಮುಖ್ಯಮಂತ್ರಿ ವೈ ಎಸ್​​ ಆರ್ ಜಗನ್ ಮೋಹನ್ ರೆಡ್ಡಿ ಅವರ ತಾಯಿ ಪ್ರಯಾಣಿಸುತ್ತಿದ್ದ ಕಾರು ಕರ್ನೂಲ್ ಬಳಿ ಅಪಘಾತಕ್ಕೀಡಾಗಿದೆ.

ಕರ್ನೂಲ್​(ಆಂಧ್ರಪ್ರದೇಶ):ಮುಖ್ಯಮಂತ್ರಿ ವೈ ಎಸ್​ ಜಗನ್​ಮೋಹನ್​ ರೆಡ್ಡಿ ಅವರ ತಾಯಿ ವಿಜಯಮ್ಮ ಪ್ರಯಾಣಿಸುತ್ತಿದ್ದ ಕಾರು ಕರ್ನೂಲ್ ಬಳಿ ಅಪಘಾತಕ್ಕೀಡಾಗಿದ್ದು,​ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕಾರಿನ ಎರಡು ಟೈರ್‌ಗಳು ಏಕಕಾಲದಲ್ಲಿ​​ ಸ್ಫೋಟಗೊಂಡು ಘಟನೆ ನಡೆದಿದೆ. ಈ ಸಂದರ್ಭದಲ್ಲಿ ಕಾರು ನಿಯಂತ್ರಿಸುವಲ್ಲಿ ಚಾಲಕ​ ಯಶಸ್ವಿಯಾಗಿದ್ದು, ಅನಾಹುತ ಸಂಭವಿಸಿಲ್ಲ.

ಮಾಜಿ ಶಾಸಕಿ ವಿಜಯಮ್ಮ ತಮ್ಮ ಪತಿ ದಿವಂಗತ ವೈ.ಎಸ್​​ ರಾಜಶೇಖರರೆಡ್ಡಿ ಸ್ನೇಹಿತನ ಕುಟುಂಬವನ್ನು ಭೇಟಿ ಮಾಡಲು ಕರ್ನೂಲ್​​ಗೆ ತೆರಳಿದ್ದರು. ಅಲ್ಲಿಂದ ವಾಪಸ್ ಬರುತ್ತಿದ್ದಾಗ ಗುತ್ತಿ ಪೆಟ್ರೋಲ್ ಬಂಕ್ ಬಳಿ ಘಟನೆ ನಡೆದಿದೆ. ಆ ಬಳಿಕ ಅವರು ಮತ್ತೊಂದು ಕಾರಿನ ಮೂಲಕ ಹೈದರಾಬಾದ್​ಗೆ ತೆರಳಿದ್ದಾರೆ.

ಕಳೆದ ತಿಂಗಳು ವೈಎಸ್​ಆರ್ ಕಾಂಗ್ರೆಸ್ ಪಕ್ಷದ ಗೌರವಾಧ್ಯಕ್ಷ ಸ್ಥಾನಕ್ಕೆ ವಿಜಯಮ್ಮ ರಾಜೀನಾಮೆ ನೀಡಿದ್ದಾರೆ. 2009ರಲ್ಲಿ ನಡೆದ ಹೆಲಿಕಾಪ್ಟರ್ ದುರಂತದಲ್ಲಿ ಪತಿ ರಾಜಶೇಖರ್ ರೆಡ್ಡಿ ದುರ್ಮರಣಕ್ಕೀಡಾಗಿದ್ದಾರೆ. ಆ ಬಳಿಕ ವಿಜಯಮ್ಮ ವಿಧಾನಸಭೆ ಚುನಾವಣೆಗೆ ಸ್ಪರ್ಧಿಸಿ ಕಡಪಾ ಕ್ಷೇತ್ರದಿಂದ ಅವಿರೋಧವಾಗಿ ಆಯ್ಕೆಯಾಗಿದ್ದರು. 2014ರಲ್ಲಿ ವಿಶಾಖಪಟ್ಟಣ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ಸೋಲು ಕಂಡಿದ್ದರು.

ಇತ್ತೀಚೆಗೆ ಟಿಡಿಪಿ ಮುಖಂಡ ವಿಷ್ಣುವರ್ಧನ್ ರೆಡ್ಡಿ ಅವರ ಪುತ್ರ ಆಲಂಪುರ ಚೌರಸ್ತಾದಲ್ಲಿ ಕಾರಿನ ಎರಡು ಟೈರ್‌ ಸ್ಫೋಟಗೊಂಡು ಮೃತಪಟ್ಟಿದ್ದರು.