ಬೇಸ್ಮೆಂಟ್​ ರಾಡ್​ ಮೇಲೆ ಬಿದ್ದ ಕೆಲಸಕ್ಕೆ ಬಂದಿದ್ದ ಕೂಲಿ ಕಾರ್ಮಿಕ.. ದವಡೆ ಮೂಲಕ ತಲೆ ಮೇಲಿಂದ ಹಾದು ಹೋದ ಕಬ್ಬಿಣ!

ಬೆಳಗ್ಗೆ ಕೆಲಸಕ್ಕೆ ಬಂದ ಕಾರ್ಮಿಕನೊಬ್ಬ ಕಾಮಗಾರಿ ಸ್ಥಳದಲ್ಲಿ ಬೇಸ್ಮೆಂಟ್​ಗೆ ಹಾಕಲಾಗಿದ್ದ ನಿಂತಿದ್ದ ರಾಡ್​ ಮೇಲೆ ಬಿದ್ದು ಪ್ರಾಣ ಕಳೆದುಕೊಂಡಿರುವ ಘಟನೆ ತೆಲಂಗಾಣದ ಕರೀಂನಗರ ಜಿಲ್ಲೆಯಲ್ಲಿ ನಡೆದಿದೆ..

ಕರೀಂನಗರ : ಕಾಮಗಾರಿ ಸ್ಥಳದಲ್ಲಿ ಕೂಲಿ ಕಾರ್ಮಿಕನೊಬ್ಬ ನಿಂತ ಕಬ್ಬಿಣದ ಸರಪಳಿಗಳ ಮೇಲೆ ಬಿದ್ದಿದ್ದು, ಕಬ್ಬಿಣ ರಾಡ್​ವೊಂದು ಆತನ ದವಡೆ ಕೆಳ ಭಾಗದಿಂದ ತಲೆ ಮೇಲೆ ಹಾದು ಹೋಗಿರುವ ಎದೆ ಝಲ್​ ಎನ್ನಿಸುವ ಘಟನೆಯೊಂದು ಜಿಲ್ಲೆಯ ಹುಜೂರಾಬಾದ್​ನಲ್ಲಿ ನಡೆದಿದೆ.

ಏನಿದು ಘಟನೆ : ಆರ್‌ಟಿಸಿಡಿಪಿ ಡಿಪೋ ಕ್ರಾಸಿಂಗ್​ ಬಳಿ ಮೋರಿ ಕಾಮಗಾರಿ ನಡೆಸಲಾಗುತ್ತಿದೆ. ಸ್ಥಳೀಯ ಬೂದಿಗಜಂಗಲ ಕಾಲೋನಿಯ ಮೌಟಂ ರಾಜು (36) ಗೋಡೆಗೆ ನೀರು ಹಾಕಲು ಬಂದಿದ್ದಾರೆ. ನೀರು ಹಾಕುತ್ತಲೇ ಆಕಸ್ಮಿಕವಾಗಿ ತಳಪಾಯಕ್ಕೆ (ಬೇಸ್ಮೆಂಟ್​) ಹಾಕಲಾಗಿದ್ದ ಕಬ್ಬಿಣದ ಸರಪಳಿ ಮೇಲೆ ಬಿದ್ದಿದ್ದಾರೆ. ಈ ವೇಳೆ ರಾಜು ದವಡೆ ಕೆಳ ಭಾಗದಿಂದ ಅವನ ತಲೆ ಮೇಲೆ ರಾಡ್‌ ಹಾದು ಹೋಗಿದೆ.

ಓದಿ:ಅಂಗಡಿಯೊಂದರಲ್ಲಿ ಕುಳಿತಿದ್ದ ಯುವಕನ ಮೇಲೆ ಕಬ್ಬಿಣದ ರಾಡ್​​ನಿಂದ ಹಲ್ಲೆ.. ಭೀಕರ ವಿಡಿಯೋ ವೈರಲ್​!

ರಾಜು ನೋವಿನಿಂದ ಬಳಲುತ್ತಿರುವುದನ್ನು ಕಂಡ ಸ್ಥಳೀಯರು ಕೂಡಲೇ ಆ್ಯಂಬುಲೆನ್ಸ್‌ಗೆ ಮಾಹಿತಿ ನೀಡಿದ್ದಾರೆ. ಬೆಳಗ್ಗೆ 8.30ಕ್ಕೆ ಈ ಘಟನೆ ಸಂಭವಿಸಿದ್ದು, ಸುಮಾರು ಮೂರು ಗಂಟೆಗಳ ಕಾಲ ರಾಜು ನರಕಯಾತನೆ ಅನುಭವಿಸಿದ್ದಾರೆ. ರಾಜುವಿನ ಸ್ಥಿತಿ ನೋಡಿದ ಸ್ಥಳೀಯರ ಕಣ್ಣಲ್ಲಿ ನೀರು ತರಿಸಿತು. ಸ್ಥಳಕ್ಕೆ ತಲುಪಿದ ವೈದ್ಯ ಸಿಬ್ಬಂದಿ ರಾಜನ ತಲೆಗೆ ಸಿಲುಕಿದ್ದ ಬೇಸ್ಮೆಂಟ್​ ರಾಡ್ ಅ​ನ್ನು ಯಂತ್ರದ ಸಹಾಯದಿಂದ ಕತ್ತರಿಸಿದರು. ಬಳಿಕ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು.

ಪ್ರಥಮ ಚಿಕಿತ್ಸೆ ಬಳಿಕ ಉತ್ತಮ ಚಿಕಿತ್ಸೆಗಾಗಿ ಬೆಳಗ್ಗೆ 11.20ಕ್ಕೆ ವಾರಂಗಲ್‌ನ ಎಂಜಿಎಂ ಆಸ್ಪತ್ರೆಗೆ ರಾಜುವನ್ನು ದಾಖಲಿಸಲಾಯಿತು. 11.35ಕ್ಕೆ ಕಬ್ಬಿಣದ ರಾಡ್ ತೆಗೆದ ತಕ್ಷಣ ರಾಜು ಸಾವನ್ನಪ್ಪಿರುವುದಾಗಿ ವೈದ್ಯರು ದೃಢಪಡಿಸಿದರು.