ಕುಸ್ತಿಪಂದ್ಯದಲ್ಲಿ ಸೋತ ಹತಾಶೆ: ಆತ್ಮಹತ್ಯೆಗೆ ಶರಣಾದ ಬಬಿತಾ ಪೋಗಟ್‌ ಸಂಬಂಧಿ

ಕುಸ್ತಿಪಟು ಬಬಿತಾ ಪೋಗಟ್ ಅವರ ಸೋದರ ಸಂಬಂಧಿ ಹರಿಯಾಣದ ಬಲಾಲಿ ಗ್ರಾಮದಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದು, ಕುಸ್ತಿ ಪಂದ್ಯಾಟಲ್ಲಿ ಸೋತ ಹಿನ್ನೆಲೆ ನೊಂದು ಸಾವಿಗೆ ಶರಣಾಗಿದ್ದಾಳೆ ಎನ್ನಲಾಗಿದೆ.

ಜುಂಜುನು (ರಾಜಸ್ಥಾನ): ಕುಸ್ತಿಯ ಅಂತಿಮ ಪಂದ್ಯದಲ್ಲಿ ಸೋತ ನಂತರ ಖ್ಯಾತ ಕುಸ್ತಿಪಟು ಬಬಿತಾ ಪೋಗಟ್ ಅವರ ಸೋದರ ಸಂಬಂಧಿ ಹರಿಯಾಣದ ಬಲಾಲಿ ಗ್ರಾಮದಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ವರದಿಗಳ ಪ್ರಕಾರ, ಮಾರ್ಚ್ 15 ರಂದು ರಾತ್ರಿ 11 ಗಂಟೆಗೆ ಬಲಾಲಿ ಗ್ರಾಮದಲ್ಲಿರುವ ನಿವಾಸದಲ್ಲಿ ಕುಸ್ತಿಪಟು ರಿತಿಕಾ ತಾನು ನಿದ್ರಿಸುವ ಕೋಣೆಯಲ್ಲಿ ನೇಣುಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು. ಇದಕ್ಕೂ ಮುನ್ನ ರಾಜಸ್ಥಾನದ ಭರತ್ಪುರದಲ್ಲಿ ಆಯೋಜಿಸಲಾಗಿದ್ದ ಕುಸ್ತಿ ಪಂದ್ಯದಲ್ಲಿ ಈಕೆ ಸೋತಿದ್ದರು ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ: ಪಾರ್ಕಿಂಗ್​​ ವಿಷಯಕ್ಕೆ ಜಗಳ.. ತಾಯಿಗೆ ಮಗನಿಂದ ಕಪಾಳಮೋಕ್ಷ; ಸ್ಥಳದಲ್ಲೇ ಸಾವು!

ಮೃತ ಯುವತಿ ಕಳೆದ ಐದು ವರ್ಷಗಳಿಂದ ಮಹಾವೀರ ಪೋಗಟ್ ಸ್ಪೋರ್ಟ್ಸ್ ಅಕಾಡೆಮಿಯಲ್ಲಿ ತರಬೇತಿ ಪಡೆಯುತ್ತಿದ್ದರು. ಮಾರ್ಚ್ 12 ರಿಂದ 14 ರವರೆಗೆ ವಿವಿಧ ಕಿರಿಯ ಮಟ್ಟದ ಕುಸ್ತಿ ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದು, ಒಂದು ಪಂದ್ಯದಲ್ಲಿ ಪರಾಜಯಗೊಂಡಿದ್ದರು ಎನ್ನಲಾಗಿದೆ. ಮೃತಳ ಅಂತ್ಯಸಂಸ್ಕಾರವನ್ನು ಆಕೆಯ ಸ್ವಗ್ರಾಮ ಜುಂಜುನುವಿನಲ್ಲಿ ನಡೆಸಲಾಗಿದೆ.