ಹರಿದ್ವಾರ: ಮೂರನೇ ವ್ಯಕ್ತಿಯೊಬ್ಬನೊಂದಿಗೆ ತನ್ನ ಪತಿಯು ಸ್ಕೂಟರ್ನಲ್ಲಿ ಹೋಗುತ್ತಿರುವುದನ್ನು ನೋಡಿದ ಮಹಿಳೆಯೊಬ್ಬರು ಭಾರಿ ಹಂಗಾಮಾ ಸೃಷ್ಟಿಸಿದ ಘಟನೆ ಇಲ್ಲಿಗೆ ಸಮೀಪದ ಕೋತವಾಲಿ ರಾನಿಪುರ ಕ್ಷೇತ್ರದ ಶಿವಲೋಕ ಕಾಲನಿಯಲ್ಲಿ ನಡೆದಿದೆ. ಸ್ಕೂಟರ್ ಅಡ್ಡಗಟ್ಟಿದ ಪತ್ನಿ ರಸ್ತೆ ಮಧ್ಯದಲ್ಲೇ ಪತಿಗೆ ಚಪ್ಪಲಿ ಏಟು ಕೂಡ ನೀಡಿದ್ದಾರೆ. ಅದು ಹೇಗೋ ಮಾಡಿ ಆ ನಪುಂಸಕ ವ್ಯಕ್ತಿಯು ಮಹಿಳೆಯಿಂದ ಅವರ ಪತಿಯನ್ನು ರಕ್ಷಿಸಿ ಮತ್ತೆ ಸ್ಕೂಟರ್ ಹತ್ತಿಸಿಕೊಂಡು ಸ್ಥಳದಿಂದ ಕಾಲ್ಕಿತ್ತನು. ಏಟು ತಿಂದ ಪತಿ ಹಾಗೂ ಆತನ ಪತ್ನಿ ಇಬ್ಬರೂ ಸುಮಾರು ಒಂದು ವರ್ಷದ ಹಿಂದೆ ವಿವಾಹವಾಗಿದ್ದರಂತೆ. ಆದರೆ, ಸಂಸಾರದಲ್ಲಿ ಅನ್ಯೋನ್ಯತೆ ಇರಲಿಲ್ಲ ಎನ್ನಲಾಗಿದೆ.
ಏನಿದು ಘಟನೆ:ಲಭ್ಯ ಮಾಹಿತಿಯ ಪ್ರಕಾರ, ಭಗತ್ ಸಿಂಗ್ ಚೌಕ್ ನಿಂದ ಬಿಎಚ್ಇಎಲ್ ಗೆ ಹೋಗುವ ರಸ್ತೆಯಲ್ಲಿ ಮಹಿಳೆಯೊಬ್ಬರು ಏಕಾಏಕಿ ವ್ಯಕ್ತಿಯೊಬ್ಬನನ್ನು ಚಪ್ಪಲಿಯಿಂದ ಥಳಿಸಲಾರಂಭಿಸಿದ್ದಾರೆ. ಆ ವ್ಯಕ್ತಿಯೊಂದಿಗೆ ಸ್ಕೂಟರ್ನಲ್ಲಿ ಓರ್ವ ನಪುಂಸಕನೂ ಕುಳಿತಿದ್ದ. ರಸ್ತೆಯಲ್ಲಿಯೇ ಎಲ್ಲ ಹೈಡ್ರಾಮಾ ನಡೆಯುತ್ತಿದ್ದುದರಿಂದ ಜನರು ಕೂಡ ಸ್ಥಳದಲ್ಲಿ ಜಮಾಯಿಸಿದರು. ವಿಚಾರಣೆ ನಡೆಸಿದಾಗ ಇಬ್ಬರೂ ಗಂಡ-ಹೆಂಡತಿ ಎಂಬುದು ಗೊತ್ತಾಯಿತು.