ಸಾಂಕ್ರಾಮಿಕವಲ್ಲದ ವಿಶ್ವದ 10 ಅಗ್ರ ಖಾಯಿಲೆಗಳಲ್ಲಿ 7 ಸಾವಿಗೆ ಕಾರಣವಾಗುತ್ತಿವೆ: WHO

ಸಾಂಕ್ರಾಮಿಕವಲ್ಲದ ವಿಶ್ವದ 10 ಅಗ್ರ ಖಾಯಿಲೆಗಳಲ್ಲಿ ಏಳು ಸಾವಿಗೆ ಕಾರಣವಾಗುತ್ತವೆ. 2000ದಲ್ಲಿ 10 ಪ್ರಮುಖ ಕಾರಣಗಳಲ್ಲಿ 4 ಸಾವಿಗೆ ಕಾರಣವಾಗಿದ್ದವು. ಈ ಹೊಸ ದತ್ತಾಂಶವು 2000 ರಿಂದ 2019 ರವರೆಗಿನ ಅವಧಿಯನ್ನು ಒಳಗೊಂಡಿದೆ ಎಂದು ಇಂದು ಪ್ರಕಟವಾದ ವಿಶ್ವ ಆರೋಗ್ಯ ಸಂಸ್ಥೆಯ 2019ರ ಗ್ಲೋಬಲ್​​ ಹೆಲ್ತ್​​ ಎಸ್ಟಿಮೇಟ್ಸ್​ನ​ಲ್ಲಿ​ ಹೇಳಲಾಗಿದೆ.

ಕಳೆದ 2 ದಶಕಗಳಲ್ಲಿ ರೋಗಗಳು ಮತ್ತು ಗಾಯಗಳು ಮರಣ ಹಾಗೂ ಅಸ್ವಸ್ಥತೆಗೆ ಕಾರಣವಾಗಿವೆ. ಯುಎನ್ ಸುಸ್ಥಿರ ಅಭಿವೃದ್ಧಿ ಗುರಿಗಳ ಕಾರ್ಯಸೂಚಿಯಲ್ಲಿ ತಿಳಿಸಿರುವಂತೆ, ವಿಶ್ವದಾದ್ಯಂತ ಇರುವ ಹೃದಯ ಸಂಬಂಧಿ ಕಾಯಿಲೆಗಳು, ಕ್ಯಾನ್ಸರ್, ಮಧುಮೇಹ ಮತ್ತು ದೀರ್ಘಕಾಲದ ಉಸಿರಾಟದ ತೊಂದರೆಗಳನ್ನು ತಡೆಗಟ್ಟಲು ಚಿಕಿತ್ಸೆ ಅತ್ಯಂತ ಅವಶ್ಯಕವಾಗಿದೆ ಎಂಬುದನ್ನು ಎತ್ತಿ ತೋರಿಸುತ್ತದೆ.

ಹೃದಯ ಸಂಬಂಧಿ ಕಾಯಿಲೆಯು ಮೊದಲನೇಯ ಸ್ಥಾನದಲ್ಲಿದ್ದು, ಮಧುಮೇಹ ಮತ್ತು ಬುದ್ಧಿಮಾಂದ್ಯತೆ ಮೊದಲ 10 ಸ್ಥಾನಗಳಲ್ಲಿವೆ. ಕಳೆದ 20 ವರ್ಷಗಳಿಂದ ಜಾಗತಿಕ ಮಟ್ಟದಲ್ಲಿ ಹೃದಯಾಘಾತ ಹೆಚ್ಚು ಸಾವಿಗೆ ಪ್ರಮುಖ ಕಾರಣವಾಗಿದೆ. ಇದು ಹಿಂದೆಂದಿಗಿಂತಲೂ ಹೆಚ್ಚು ಜನರನ್ನು ಬಲಿ ತೆಗೆದುಕೊಳ್ಳುತ್ತಿದೆ. ಹೃದ್ರೋಗದಿಂದ ಸಾವನ್ನಪ್ಪುವವರ ಸಂಖ್ಯೆ 2000ದಲ್ಲಿ 2 ಮಿಲಿಯನ್‌ಗಿಂತಲೂ ಹೆಚ್ಚಾಗಿದೆ. ಇದು 2019 ರಲ್ಲಿ ಸುಮಾರು 9 ಮಿಲಿಯನ್‌ಗೆ ಏರಿದೆ. ಹೃದಯ ಸಂಬಂಧಿ ಕಾಯಿಲೆಯಿಂದ ಸಾವನ್ನಪ್ಪುವವರ ಸಂಖ್ಯೆ ಶೇ.16ರಷ್ಟಿದೆ. 2 ಮಿಲಿಯನ್ ಹೆಚ್ಚುವರಿ ಸಾವುಗಳಲ್ಲಿ ಅರ್ಧಕ್ಕಿಂತ ಹೆಚ್ಚಿನವು ವಿಶ್ವ ಆರೋಗ್ಯ ಸಂಸ್ಥೆಯ ವೆಸ್ಟರ್ನ್ ಪೆಸಿಫಿಕ್ ಪ್ರದೇಶದಲ್ಲಿ ಸಂಭವಿಸಿವೆ. ಇದಕ್ಕೆ ವ್ಯತಿರಿಕ್ತವಾಗಿ, ಯುರೋಪಿಯನ್ ಪ್ರದೇಶವು ಹೃದ್ರೋಗದಲ್ಲಿ ಕುಸಿತವನ್ನು ಕಂಡಿದೆ. ಸಾವುಗಳಲ್ಲಿ ಶೇ.15 ರಷ್ಟು ಇಳಿಕೆಯನ್ನು ಕಂಡಿದೆ.

ಅಲ್​ಜೈಮರ್ ಕಾಯಿಲೆ ಮತ್ತು ಇತರ ರೀತಿಯ ಬುದ್ಧಿಮಾಂದ್ಯತೆಯು ಈಗ ವಿಶ್ವದಾದ್ಯಂತ ಸಾವಿಗೆ ಕಾರಣವಾಗುವ ಅಗ್ರ 10 ಕಾರಣಗಳಲ್ಲಿ ಒಂದಾಗಿದೆ. ಇದು 2019 ರಲ್ಲಿ ಅಮೆರಿಕ ಮತ್ತು ಯುರೋಪ್ ಎರಡರಲ್ಲೂ 3ನೇ ಸ್ಥಾನದಲ್ಲಿದೆ. ಇದು ಮಹಿಳೆಯರ ಮೇಲೆ ಪರಿಣಾಮ ಬೀರುತ್ತಿದೆ. ಜಾಗತಿಕವಾಗಿ ಆಲ್​ಜೈಮರ್ ಮತ್ತು ಇತರ ರೀತಿಯ ಬುದ್ಧಿಮಾಂದ್ಯತೆಯಿಂದ ಸಾಯುತ್ತಿರುವವರಲ್ಲಿ ಶೇ.65ರಷ್ಟು ಮಹಿಳೆಯರೇ ಇದ್ದಾರೆ.

2000 ಮತ್ತು 2019 ರ ನಡುವೆ ಜಾಗತಿಕವಾಗಿ ಮಧುಮೇಹದಿಂದ ಶೇ.70ರಷ್ಟು ಸಾವು ಸಂಭವಿಸಿದೆ. ಇದರಿಂದ ಸಾಯುವವರಲ್ಲಿ ಶೇ. 80ರಷ್ಟು ಪುರುಷರೇ ಇದ್ದಾರೆ. ಪೂರ್ವ ಮೆಡಿಟರೇನಿಯನ್‌ನಲ್ಲಿ, ಮಧುಮೇಹದಿಂದ ಸಾವನ್ನಪ್ಪುತ್ತಿರುವವರ ಸಂಖ್ಯೆ ದ್ವಿಗುಣಗೊಂಡಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ವರದಿ ಹೇಳುತ್ತದೆ.

ಸಾಂಕ್ರಾಮಿಕ ಕಾಯಿಲೆಗಳಿಂದ ಸಾವನ್ನಪ್ಪುತ್ತಿರುವವರ ಸಂಖ್ಯೆ ಕಡಿಮೆ ಮತ್ತು ಮಧ್ಯಮ-ಆದಾಯದ ದೇಶಗಳಲ್ಲಿ ಹೆಚ್ಚಾಗಿದ್ದು, ಇದು ದೊಡ್ಡ ಸವಾಲಾಗಿದೆ. 2019 ರಲ್ಲಿ ನ್ಯುಮೋನಿಯಾ ಮತ್ತು ಇತರ ಕಡಿಮೆ ಉಸಿರಾಟದ ಸೋಂಕುಗಳು ಸಾವಿಗೆ ನಾಲ್ಕನೇ ಪ್ರಮುಖ ಕಾರಣವಾಗಿವೆ. ಆದಾಗ್ಯೂ, 2000 ಕ್ಕೆ ಹೋಲಿಸಿದರೆ ಕಡಿಮೆ ಉಸಿರಾಟದ ಸೋಂಕುಗಳು ಇದೀಗ ಕಡಿಮೆ ಜನರನ್ನು ಬಲಿ ತೆಗೆದುಕೊಂಡಿವೆ. ಜಾಗತಿಕ ಸಾವಿನ ಸಂಖ್ಯೆ ಸುಮಾರು ಅರ್ಧ ಮಿಲಿಯನ್ ಕಡಿಮೆಯಾಗಿದೆ.

ಉದಾಹರಣೆಗೆ ಎಚ್‌ಐವಿ / ಏಡ್ಸ್​ 2000ದಲ್ಲಿ ಸಾವಿಗೆ 8ನೇ ಪ್ರಮುಖ ಕಾರಣವಾಗಿತ್ತು.ಇದು 2019 ರಲ್ಲಿ 19ನೇ ಸ್ಥಾನಕ್ಕೆ ಇಳಿದಿದೆ. ಇದು ಆಫ್ರಿಕಾದಲ್ಲಿ ಸಾವಿಗೆ ನಾಲ್ಕನೇ ಪ್ರಮುಖ ಕಾರಣವಾಗಿದ್ದರೂ, ಸಾವಿನ ಸಂಖ್ಯೆ ಅರ್ಧಕ್ಕಿಂತಲೂ ಕಡಿಮೆಯಾಗಿದೆ. ಇದು 2000 ರಲ್ಲಿ 1 ಮಿಲಿಯನ್‌ ಜನರನ್ನು ಬಲಿತೆಗೆದುಕೊಂದಿದ್ದು, 2019 ರಲ್ಲಿ ಆಫ್ರಿಕಾದಲ್ಲಿ ಇದು 435000ಕ್ಕೆ ಇಳಿದಿದೆ.

ಕ್ಷಯರೋಗವು ಜಾಗತಿಕ ಅಗ್ರ 10ರಲ್ಲಿಲ್ಲ, 2000 ರಲ್ಲಿ 7 ನೇ ಸ್ಥಾನದಿಂದ 2019 ರಲ್ಲಿ ಹದಿಮೂರನೇ ಸ್ಥಾನಕ್ಕೆ ಕುಸಿದಿದೆ. ಜಾಗತಿಕ ಸಾವುಗಳಲ್ಲಿ ಶೇ. 30 ರಷ್ಟು ಕಡಿಮೆಯಾಗಿದೆ. ಆದರೂ ಇದು ಆಫ್ರಿಕನ್ ಮತ್ತು ಆಗ್ನೇಯ ಏಷ್ಯಾದ ಪ್ರದೇಶಗಳಲ್ಲಿನ ಸಾವಿನ ಪ್ರಮುಖ 10 ಕಾರಣಗಳಲ್ಲಿ ಒಂದಾಗಿ ಉಳಿದಿದೆ. ಅಲ್ಲಿ ಇದು ಕ್ರಮವಾಗಿ 8 ಮತ್ತು 5 ನೇ ಪ್ರಮುಖ ಕಾರಣವಾಗಿದೆ. 2000 ರ ನಂತರ ಆಫ್ರಿಕಾವು ಕ್ಷಯರೋಗದ ಮರಣದ ಹೆಚ್ಚಳವನ್ನು ಕಂಡಿದೆ. ಆದರೂ ಇದು ಕಳೆದ ಕೆಲವು ವರ್ಷಗಳಲ್ಲಿ ಕ್ಷೀಣಿಸಲು ಪ್ರಾರಂಭಿಸಿದೆ.