ಜೈಪುರ(ರಾಜಸ್ಥಾನ):ರಾಜಸ್ಥಾನ ರಾಜಧಾನಿಯ ನಹರ್ಗಡ್ ಜೈವಿಕ ಉದ್ಯಾನವನದಲ್ಲಿದ್ದ ಏಕೈಕ ಬಿಳಿ ಹುಲಿ 'ಚಿನು' ಜಗತ್ತಿಗೆ ವಿದಾಯ ಹೇಳಿದೆ. ಉದ್ಯಾನವನದ ಬಿಳಿ ಹುಲಿ ಇಂದು ಮಧ್ಯಾಹ್ನ ಸಾವನ್ನಪ್ಪಿದೆ.
ಬಿಳಿ ಹುಲಿ ಚಿನು ಒಂದು ವಾರದಿಂದ ಅನಾರೋಗ್ಯದಿಂದ ಬಳಲುತ್ತಿತ್ತು. ಅದಕ್ಕೆ ಕಿಡ್ನಿ ಸಂಬಂಧಿ ಕಾಯಿಲೆಯಿತ್ತು. ಅನಾರೋಗ್ಯದ ಕಾರಣ ಹುಲಿ ಒಂದು ವಾರದಿಂದ ಆಹಾರ ನೀರು ಸೇವಿಸುವುದನ್ನು ಬಿಟ್ಟಿತ್ತು. ಇದರಿಂದಾಗಿ ಹುಲಿ ಬಹಳ ದುರ್ಬಲಗೊಂಡಿತ್ತು. ಈ ಹಿನ್ನೆಲೆ ಇಂದು ಮಧ್ಯಾಹ್ನ ಉದ್ಯಾನವನದಲ್ಲಿ ಚಿನು ಕೊನೆಯುಸಿರೆಳೆದಿದೆ ಎಂದು ತಿಳಿದುಬಂದಿದೆ.