ಕೊಡಗಲ್ಲಿ ಟಬ್​ನಲ್ಲಿ ಬಿದ್ದು ಹೊರಳಾಡಿದ ಹುಲಿರಾಯ.. ಆನಂದ್ ಮಹೀಂದ್ರಾ ಏನಂದ್ರು ಗೊತ್ತಾ..!!?

ಆನಂದ್​ ಮಹೀಂದ್ರಾ ಅವರು ತಮ್ಮ ಬಾಲ್ಯದ ರಜಾದಿನಗಳನ್ನು ಹೆಚ್ಚಾಗಿ ಕರ್ನಾಟಕದ ನಾಗರಹೊಳೆ ಅಭಯಾರಣ್ಯದಿಂದ ಆರು ಮೈಲಿ ದೂರದಲ್ಲಿರುವ ತಮ್ಮ ಕೊಡಗು ಕುಟುಂಬದ ಮನೆಯಲ್ಲಿ ಕಳೆಯುತ್ತಿದ್ದರಂತೆ

ನವದೆಹಲಿ:ಕಾಂಗ್ರೆಸ್ ಮುಖಂಡ ಜೈರಾಮ್ ರಮೇಶ್ ಅವರು ಕೊಡಗಿನಲ್ಲಿ ಹುಲಿಯೊಂದು ನೀರಿನ ಟಬ್​ನಲ್ಲಿ ಕಾಲಕಳೆದ ವಿಡಿಯೋವೊಂದನ್ನು ತಮ್ಮ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದರು. ಆದ್ರೆ ಈ ಪೋಸ್ಟ್ ಕಂಡು ಖ್ಯಾತ ​ ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ರೀಟ್ವೀಟ್​ ಮಾಡಿ, ತಾವು ದಕ್ಷಿಣ ಭಾರತದಲ್ಲಿ ಕಳೆದ ಸುಂದರ ದಿನಗಳನ್ನು ನೆನಪಿಸಿಕೊಂಡರು.

ಜೈರಾಮ್ ರಮೇಶ್ ಈ ವಿಡಿಯೋವನ್ನು ವಾಟ್ಸ್​​ಆ್ಯಪ್​ನಲ್ಲಿ ತಮ್ಮ ಮಿತ್ರರೊಬ್ಬರಿಂದ ಸ್ವೀಕರಿಸಿದ್ದರು. ಯಾರದೋ ಮನೆ ಹಿತ್ತಲಿನಲ್ಲಿ ನೀರು ತುಂಬಿದ್ದ ಟಬ್​ ಒಂದರಲ್ಲಿ ದೊಡ್ಡ ಹುಲಿಯೊಂದು ಟಬ್ ಸುತ್ತಲೂ ತಿರುಗಿ ಕೊನೆಗೆ ಆ ಟಬ್​ಗೆ ಇಳಿದು ಕೆಲ ಕಾಲ ಇದ್ದು ಸಂತೋಷಪಡುತ್ತಿರುವ ವಿಡಿಯೋವನ್ನು ತಮ್ಮ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದರು.

'ಏನು ಅಸಂಭವನೀಯ ಘಟನೆ' ಎಂದು ರಮೇಶ್ ತಮ್ಮ ಟ್ವೀಟರ್​ನಲ್ಲಿ ಬರೆದು ಆ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ಮೂರು ದಿನಗಳ ನಂತರ, ಮಹೀಂದ್ರಾ ಸಮೂಹದ ಅಧ್ಯಕ್ಷ ಆನಂದ್​ ಮಹೀಂದ್ರಾ ಅವರು, ರಿಟ್ವೀಟ್ ಮಾಡಿ 'ಭವ್ಯವಾದ' ವಿಡಿಯೋ ಕಂಡುಬಂದಿದೆ ಎಂದಿದ್ದಾರೆ.

ಇದನ್ನೂ ಓದಿ:ಏಲೂರು ನಿಗೂಢ ಕಾಯಿಲೆ ರಹಸ್ಯ ಬಯಲು: ಸಾವಯವ ಕೃಷಿ ಪ್ರೋತ್ಸಾಹಿಸುವಂತೆ ಸಿಎಂ ಸೂಚನೆ

ಆನಂದ್​ ಮಹೀಂದ್ರಾ ಅವರು ತಮ್ಮ ಬಾಲ್ಯದ ರಜಾದಿನಗಳನ್ನು ಹೆಚ್ಚಾಗಿ ಕರ್ನಾಟಕದ ನಾಗರಹೊಳೆ ಅಭಯಾರಣ್ಯದಿಂದ ಆರು ಮೈಲಿ ದೂರದಲ್ಲಿರುವ ತಮ್ಮ ಕೊಡಗು ಕುಟುಂಬದ ಮನೆಯಲ್ಲಿ ಕಳೆಯುತ್ತಿದ್ದರಂತೆ.

ಆದರೆ ಆಗ ಮಹೀಂದ್ರಾ ಅವರು ಹುಲಿಯನ್ನು ನೋಡಿಲ್ಲ ಎಂದು ಹೇಳಿದ್ದಾರೆ. ಈ ಹುಲಿಯ ವಿಡಿಯೋ ಮಾತ್ರ ಅವನನ್ನು ಸಂಪೂರ್ಣವಾಗಿ ರಂಜಿಸಿ ಅವರ ಬಾಲ್ಯವನ್ನು ಮೆಲುಕು ಹಾಕುವಂತೆ ಮಾಡಿತು.

ಜಾಕೂಝಿ(ಬಾತ್​ ಟಬ್​) ಯನ್ನು ಹುಲಿ ಬಳಸಿದಾಗ ಅದು ಟಿಕೂಝಿ ಆಗುತ್ತದೆ ಎಂದು ಆನಂದ್ ಮಹೀಂದ್ರಾ ಟ್ವೀಟ್​ಗೆ ಪೂರ್ಣವಿರಾಮ ಇಟ್ಟಿದ್ದಾರೆ.