ಮತದಾನ ಸಮೀಪಿಸುತ್ತಿರುವ ಹಿನ್ನೆಲೆ ಮುಸ್ಲಿಂ ಮತದಾರರನ್ನು ಓಲೈಸುತ್ತಿರುವ ಬಂಗಾಳಿ ಪಕ್ಷಗಳು..!

ಚುನಾವಣೆಯಲ್ಲಿ ಮುಸ್ಲಿಂ ಮತದಾರರು ಪ್ರಮುಖ ಪಾತ್ರ ವಹಿಸುತ್ತಾರೆ ಎಂಬ ನಿರೀಕ್ಷೆಯೊಂದಿಗೆ, ಎಲ್ಲ ಪಕ್ಷಗಳು ಆ ಸಮುದಾಯವನ್ನು ಓಲೈಸುವತ್ತ ಕೆಲಸ ಮಾಡುತ್ತಿವೆ.

ಪಶ್ಚಿಮಬಂಗಾಳ:ಅಖಿಲ ಭಾರತ ಮಜ್ಲಿಸ್-ಎ-ಇತೇಹಾದ್-ಉಲ್-ಮುಸ್ಲೀಮೀನ್ (ಎಐಐಎಂಐಎಂ) ಈಗಾಗಲೇ ಪಶ್ಚಿಮ ಬಂಗಾಳ ವಿಧಾನಸಭಾ ಚುನಾವಣೆಯಲ್ಲಿ ಕನಿಷ್ಠ 10 ಸ್ಥಾನಗಳಿಗೆ ಸ್ಪರ್ಧಿಸಲು ಸಿದ್ಧತೆಗಳನ್ನು ಪ್ರಾರಂಭಿಸಿದ್ದು, ಅದರೊಂದಿಗೆ ಮತಗಳ ಧ್ರುವೀಕರಣ ಮತ್ತು ಮುಸ್ಲಿಂ ಅಲ್ಪಸಂಖ್ಯಾತರನ್ನು ವರ್ಗೀಕರಿಸುವ ವಿಷಯ ಹಾಗೂ ರಾಜ್ಯದ ಮತ ಬ್ಯಾಂಕ್ ಮತ್ತೆ ಮುನ್ನೆಲೆಗೆ ಬಂದಿದೆ.

ಅಲ್ಪಸಂಖ್ಯಾತರನ್ನು ಮತ ಬ್ಯಾಂಕ್ ಎಂದು ನಿರ್ಣಯಿಸುವುದು ಬಂಗಾಳದ ರಾಜಕೀಯದ ದೀರ್ಘಕಾಲದ ಸಂಪ್ರದಾಯವಾಗಿದೆ. ಮಮತಾ ಬ್ಯಾನರ್ಜಿಯ ಕೆಲ ಪೋಸ್ಟರ್‌ಗಳು ಮತ್ತು ಕಟೌಟ್‌ಗಳನ್ನು ನಮಾಜ್ ಮಾಡುವ ಭಂಗಿಯಲ್ಲಿ ಮುಸ್ಲಿಂ ವಾರ್ಷಿಕ ಹಬ್ಬಗಳು ಮತ್ತು ಆಚರಣೆಗಳ ಸಂದರ್ಭದಲ್ಲಿ ನಿಖರವಾಗಿ ಬಿಡುಗಡೆ ಮಾಡಲಾಗುತ್ತದೆ.

ಈ ರೀತಿಯಾಗಿ ತೃಣಮೂಲ ಕಾಂಗ್ರೆಸ್ ಪಕ್ಷ ಮುಸ್ಲಿಮರನ್ನು ಹಬ್ಬದ ಸಂದರ್ಭದಲ್ಲಿ ಓಲೈಸುವುದನ್ನು ಹಲವಾರು ವರ್ಷಗಳಿಂದ ನಡೆಸಿಕೊಂಡು ಬಂದಿದೆ. ಪ್ರತಿ ಮತದಾನದ ಅವಧಿಯಲ್ಲಿ ಮುಸ್ಲಿಂ ಅಲ್ಪಸಂಖ್ಯಾತರ ಮತಗಳಿಸಲು ವಿವಿಧ ತಂತ್ರಗಳನ್ನು ಟಿಎಂಸಿ ಅನುಸರಿಸಿದೆ.

ಇನ್ನು ಸಿಪಿಐಎಂ ಮುಸ್ಲಿಮರಿಗೆ ಸರ್ಕಾರಿ ಉದ್ಯೋಗಗಳಲ್ಲಿ ಶೇ10ರಷ್ಟು ಮೀಸಲಾತಿಯನ್ನು ಸೃಷ್ಟಿಸುವ ಉದ್ದೇಶವನ್ನು ಈಗಾಗಲೇ ಘೋಷಿಸಿದೆ.

2011ರ ಜನಗಣತಿ ಮತ್ತು ನಂತರದ ಅಂದಾಜಿನ ಪ್ರಕಾರ, ಪಶ್ಚಿಮ ಬಂಗಾಳದ ಶೇ 30ರಷ್ಟು ಮುಸ್ಲಿಂ ಜನಸಂಖ್ಯೆಯು ಸುಮಾರು 102 ವಿಧಾನಸಭಾ ಕ್ಷೇತ್ರಗಳ ಫಲಿತಾಂಶದ ಮೇಲೆ ಪ್ರಭಾವ ಬೀರುವ ಸಾಮರ್ಥ್ಯವನ್ನು ಹೊಂದಿದೆ.

ಹೀಗಾಗಿ ಚುನಾವಣೆಯಲ್ಲಿ ಮುಸ್ಲಿಂ ಮತದಾರರು ಪ್ರಮುಖ ಪಾತ್ರ ವಹಿಸುತ್ತಾರೆ ಎಂಬ ನಿರೀಕ್ಷೆಯೊಂದಿಗೆ, ಎಲ್ಲಾ ಪಕ್ಷಗಳು ಆ ಸಮುದಾಯವನ್ನು ಓಲೈಸುತ್ತಿವೆ.