ಭಾರತ - ಪಾಕ್ ಗಡಿಯಲ್ಲಿ ಅಪಾರ ಶಸ್ತ್ರಾಸ್ತ್ರ ಪತ್ತೆ.. ಆತಂಕ

ಭಾರತ-ಪಾಕಿಸ್ತಾನ ಗಡಿಯಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ 47 ರೈಫಲ್‌ಗಳು ಸೇರಿ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳು ಪತ್ತೆಯಾಗಿವೆ.

ಫಿರೋಜ್‌ಪುರ (ಪಂಜಾಬ್): ಭಾರತ-ಪಾಕಿಸ್ತಾನ ಗಡಿಯಲ್ಲಿ ಭಾರಿ ಪ್ರಮಾಣದ ಶಸ್ತ್ರಾಸ್ತ್ರಗಳು ಪತ್ತೆಯಾಗಿದ್ದು, ಬಿಎಸ್​ಎಫ್​ ಸಿಬ್ಬಂದಿ ಜಪ್ತಿ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

ವಿಧಾನಸಭಾ ಚುನಾವಣೆಗಾಗಿ ಪಂಜಾಬ್​ನಾದ್ಯಂತ ಬಿಗಿ ಬಂದೋಬಸ್ತ್​​ ಕೈಗೊಳ್ಳಲಾಗುತ್ತಿತ್ತು. ಈ ಬಿಗಿ ಭದ್ರತೆ ಮತ್ತು ಚುನಾವಣೆ ಮುಕ್ತಾಯವಾದ ಮರು ದಿನವೇ ಗಡಿ ಭಾಗದಲ್ಲಿ ಫಿರೋಜ್‌ಪುರದಲ್ಲಿ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳು ಪತ್ತೆಯಾಗಿವೆ. ಇವುಗಳನ್ನು ಪಾಕಿಸ್ತಾನದಿಂದ ತಂದು ಸುಸಾತ್‌ನ ಹೊರವಲಯದಲ್ಲಿ ಸಂಗ್ರಹಿಸಲಾಗಿತ್ತು ಎಂದು ಹೇಳಲಾಗಿದೆ.

ಎಐಎಸ್‌ಟಿಎಫ್‌ ಮತ್ತು ಬಿಎಸ್‌ಎಫ್‌ ಸಿಬ್ಬಂದಿ ಜಂಟಿ ಕಾರ್ಯಾಚರಣೆ ನಡೆಸಿ ಈ ದೊಡ್ಡ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ಪತ್ತೆ ಮಾಡಿದ್ದಾರೆ. ಈ ಕಾರ್ಯಾಚರಣೆಯಲ್ಲಿ 47 ರೈಫಲ್‌ಗಳು ಮತ್ತು ಎ-10 ಮ್ಯಾಗಜೀನ್‌ಗಳು, 8 ರೈಫಲ್‌ಗಳು, 6 ಮ್ಯಾಗಜೀನ್‌ಗಳು, 5 ಪಿಸ್ತೂಲ್‌ಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಇದನ್ನೂ ಓದಿ:ಮೇಯರ್​ ಕೊಂದಿದ್ದಕ್ಕೆ ನಡೀತು ಗ್ಯಾಂಗ್​ ವಾರ್​: ಗುಂಡಿನ ಚಕಮಕಿಯಲ್ಲಿ ಐವರು ಡ್ರಗ್ಸ್​ ಕಾರ್ಟಲ್ಸ್​ ಸಾವು!