ಕೋಲ್ಕತ್ತಾ: ಪ.ಬಂಗಾಳದಲ್ಲಿ ಬೆಳಗ್ಗೆ 7 ಗಂಟೆಯಿಂದ ಮತದಾನ ಆರಂಭವಾಗಿದೆ.
ಕೋವಿಡ್ ಮಧ್ಯೆ ಮತದಾನ
ಮುರ್ಷಿದಾಬಾದ್, ಪಶ್ಚಿಮ ಬುರ್ದ್ವಾನ್‌, ದಕ್ಷಿಣ ದಿನಾಜ್‌, ಕೋಲ್ಕತ್ತಾ ಹಾಗೂ ಮಾಲ್ಡಾ ಈ ಐದು ಜಿಲ್ಲೆಗಳಲ್ಲಿನ ಒಟ್ಟು 34 ಕ್ಷೇತ್ರಗಳಿಗೆ ಇಂದು ವೋಟಿಂಗ್ ನಡೆಯುತ್ತಿದೆ. 268 ಅಭ್ಯರ್ಥಿಗಳು ಕಣದಲ್ಲಿದ್ದು, ಈ ಪೈಕಿ 37 ಅಭ್ಯರ್ಥಿಗಳು ಮಹಿಳೆಯರಾಗಿದ್ದಾರೆ. ಒಟ್ಟು 81,96,242 ಜನರು ಮತ ಚಲಾಯಿಸಲಿದ್ದಾರೆ.
ಜನರು ತಮ್ಮ ಹಕ್ಕು ಚಲಾಯಿಸುವಂತೆ ಹಾಗೂ ಮತದಾನದ ವೇಳೆ ಎಲ್ಲಾ ಕೋವಿಡ್ 19 ನಿಯಮಗಳನ್ನು ಅನುಸರಿಸುವಂತೆ ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿ ಮನವಿ ಮಾಡಿದ್ದಾರೆ.
ಪಶ್ಚಿಮ ಬಂಗಾಳದಲ್ಲಿ ಒಟ್ಟು 8 ಹಂತಗಳಲ್ಲಿ ವಿಧಾನಸಭೆ ಚುನಾವಣೆ ನಡೆಯುತ್ತಿದ್ದು, ಅಂತಿಮ ಹಂತದ ಮತದಾನ ಏಪ್ರಿಲ್ 29 ರಂದು ಜರುಗಲಿದೆ. ಮೇ 2 ರಂದು ಫಲಿತಾಂಶ ಹೊರಬೀಳಲಿದೆ. ಕೊರೊನಾ ಉಲ್ಬಣ ಹಿನ್ನೆಲೆ ಕೊನೆಯ ಎರಡು ಹಂತಗಳ ಮತದಾನಕ್ಕಾಗಿ ರ‍್ಯಾಲಿ, ಸಾರ್ವಜನಿಕ ಸಭೆಗಳನ್ನು ನಿಷೇಧಿಸಿ ಭಾರತೀಯ ಚುನಾವಣಾ ಆಯೋಗ ಆದೇಶ ನೀಡಿತ್ತು.
