ಕೊಯಮತ್ತೂರು (ತಮಿಳುನಾಡು):ಸ್ವಾರ್ಥ, ಲಾಲಸೆ, ಅಪನಂಬಿಕೆಗಳಿಂದಾಗಿ ಮನುಷ್ಯ ಸಂಬಂಧಗಳು ನೆಲೆ ಬೆಲೆ ಕಳೆದು ಕೊಳ್ಳುತ್ತಿರುವ ಇಂದಿನ ದಿನಗಳಲ್ಲಿ ಸಾಕು ಪ್ರಾಣಿಗಳು ಮಾತ್ರ ಬದಲಾಗದೇ ತಮ್ಮ ನಿಷ್ಠೆ, ಪ್ರಾಮಾಣಿಕತೆ ಉಳಿಸಿಕೊಂಡಿವೆ.
ಈ ಮೂಲಕ ಇಂದಿಗೂ ಮನುಷ್ಯರೊಂದಿಗಿನ ಅವಿನಾಭಾವ ಸಂಬಂಧವನ್ನು ಉಳಿಸಿಕೊಂಡಿವೆ ಎನ್ನುವುದಕ್ಕೆ ನಿದರ್ಶನದಂತಿದೆ ಭಾನುವಾರ ಕೊಯಮತ್ತೂರಿನ ಮನೆಯೊಂದರಲ್ಲಿ ನಡೆದ ಸಾಕು ಬೆಕ್ಕುಗಳ ಸೀಮಂತ ಕಾರ್ಯಕ್ರಮ.
ಪ್ರೀತಿಯಿಂದ ಸಾಕಿದ ಬೆಕ್ಕುಗಳಿಗೂ ಅದ್ಧೂರಿ ಸೀಮಂತ
ಕೊಯಮತ್ತೂರಿನ ಮಹಿಳೆಯೊಬ್ಬರು ತಾವು ಸಾಕಿ ಬೆಳೆಸಿದ ಬೆಕ್ಕುಗಳಿಗೆ ಗರ್ಭಿಣಿಯರಿಗೆ ಸೀಮಂತ ಮಾಡುವ ರೀತಿಯಲ್ಲಿಯೇ ಅದ್ಧೂರಿಯಾಗಿ ಕಾರ್ಯ ಮಾಡಿದ್ದಾರೆ. ವಿಶೇಷ ಆಹಾರ, ಸಿಹಿತಿಂಡಿಗಳು ಮತ್ತು ಇತರ ವಸ್ತುಗಳೊಂದಿಗೆ ಹೊಸ ಬಟ್ಟೆಗಳನ್ನು ಧರಿಸಿ ಸೀಮಂತ ಕಾರ್ಯ ಮಾಡಿದ್ದಾರೆ.