ಎಲ್ಲಾ ರಾಜ್ಯಗಳ ಗವರ್ನರ್​ಗಳನ್ನುದ್ದೇಶಿಸಿ ಮೋದಿ, ನಾಯ್ಡು ಭಾಷಣ

ಈಗಾಗಲೇ ದೇಶದಲ್ಲಿ ಕೋವಿಡ್​ 2ನೇ ಅಲೆ ಭಾರಿ ಪ್ರಮಾಣದಲ್ಲಿ ಹಬ್ಬುತ್ತಿದೆ. ಸೋಮವಾರ ಇದರ ಪ್ರಮಾಣ 1.60 ಲಕ್ಷ ಕೋವಿಡ್​ ಪಾಸಿಟಿವ್​ ಕೇಸ್​ ದಾಖಲಾಗಿವೆ. ಇನ್ನು, ದೇಶಾದ್ಯಂತ ಲಸಿಕಾ ಉತ್ಸವ ಸಹ ನಡೆದಿದೆ..

ನವದೆಹಲಿ :ಹೆಚ್ಚುತ್ತಿರುವ ಕೋವಿಡ್​ ಹಾಗೂ ಕೋವಿಡ್​ ವ್ಯಾಕ್ಸಿನೇಷನ್​​ ಸಂಬಂಧ ಪಟ್ಟಂತೆ ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಹಾಗೂ ಪ್ರಧಾನಿ ನರೇಂದ್ರ ಮೋದಿ ಎಲ್ಲ ರಾಜ್ಯಗಳ ರಾಜ್ಯಪಾಲರು, ಡೆಪ್ಯೂಟಿ ಗವರ್ನರ್​ಗಳನ್ನು ಉದ್ದೇಶಿಸಿ ವರ್ಚುಯಲ್​ ಸಭೆ ನಡೆಸಲಿದ್ದಾರೆ.

ಟಿಕಾ(tika) ಉತ್ಸವದ ಬಗ್ಗೆ ವರ್ಚುಯಲ್​ ಸಭೆ ವೇಳೆ, ಎಲ್ಲರೊಂದಿಗೆ ಉಪರಾಷ್ಟ್ರಪತಿ, ಪ್ರಧಾನಿ ಚರ್ಚಿಸಲಿದ್ದಾರೆ. ಇದೇ ವೇಳೆ, ಕೊರೊನಾ ಹರಡುವಿಕೆ ಮತ್ತು ಅದರ ನಿಯಂತ್ರಣ, ಆ ಬಗ್ಗೆ ರಾಜ್ಯ ಸರ್ಕಾರಗಳು ಕೈಗೊಂಡ ಕ್ರಮ ಹಾಗೂ ವ್ಯಾಕ್ಸಿನೇಷನ್​ ಕಾರ್ಯಾಚರಣೆ ಕುರಿತಂತೆ ಸಮಾಲೋಚಿಸುವ ಸಾಧ್ಯತೆಗಳಿವೆ ಎಂದು ತಿಳಿದು ಬಂದಿದೆ.

ಈಗಾಗಲೇ ದೇಶದಲ್ಲಿ ಕೋವಿಡ್​ 2ನೇ ಅಲೆ ಭಾರಿ ಪ್ರಮಾಣದಲ್ಲಿ ಹಬ್ಬುತ್ತಿದೆ. ಸೋಮವಾರ ಇದರ ಪ್ರಮಾಣ 1.60 ಲಕ್ಷ ಕೋವಿಡ್​ ಪಾಸಿಟಿವ್​ ಕೇಸ್​ ದಾಖಲಾಗಿವೆ. ಇನ್ನು, ದೇಶಾದ್ಯಂತ ಲಸಿಕಾ ಉತ್ಸವ ಸಹ ನಡೆದಿದೆ. ಈಗಾಗಲೇ ಟಿಕಾ ಉತ್ಸವದ ಅಂಗವಾಗಿ 30 ಲಕ್ಷ ವ್ಯಾಕ್ಸಿನೇಷನ್​ ಹಾಕಿಸಲಾಗಿದೆ. ದಿನಕ್ಕೆ 40 ಲಕ್ಷ ಲಸಿಕೆ ಹಾಕುವ ಗುರಿ ಹೊಂದಲಾಗಿದೆ​​.