ಅನಂತಪುರಂ, ಆಂಧ್ರಪ್ರದೇಶ:ಗ್ರಾಮದ ಸ್ವಯಂಸೇವಕನೊಬ್ಬ ವಿವಾಹಿತ ಮಹಿಳೆಯ ಮೇಲೆ ಅತ್ಯಾಚಾರವೆಸಗಿದ ಘಟನೆ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ. ಈ ಸಂಬಂಧ ಸಂತ್ರಸ್ತೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
ಮಹಿಳೆ ನೀಡಿದ ದೂರಿನಲ್ಲಿ ಏನಿದೆ?: ಪತಿ ಮತ್ತು ಇಬ್ಬರು ಮಕ್ಕಳೊಂದಿಗೆ ನಾನು ಸುಖವಾಗಿ ಜೀವನ ನಡೆಸುತ್ತಿದ್ದೆ. ಇದೇ ತಾಲೂಕಿನ ಕೋನ ಉಪ್ಪಲಪಾಡು ಗ್ರಾಮದ ದಾಸರಿ ಸತೀಶ್ ಎಂಬುವರು ಗ್ರಾಮ ಸ್ವಯಂ ಸೇವಕರಾಗಿ ಕೆಲಸ ಮಾಡುತ್ತಿದ್ದಾರೆ. ನಮ್ಮ ಮನೆಗೆ 3 ತಿಂಗಳಿಂದಲೂ ಭೇಟಿ ನೀಡುತ್ತಿದ್ದರು. ಈ ವೇಳೆ ಅವರ ಪರಿಚಯವಾಗಿತ್ತು. ಕೆಲಸದ ನಿಮಿತ್ತ ಇದೇ ತಿಂಗಳ 7ರಂದು ನನ್ನ ಆರು ವರ್ಷದ ಮಗಳೊಂದಿಗೆ ನಾನು ಸತೀಶ್ ಕಾರಿನಲ್ಲಿ ತೆರಳಿದ್ದೆವು ಎಂದು ಸಂತ್ರಸ್ತೆ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.
ಈ ಸಂದರ್ಭದಲ್ಲಿ ನಮ್ಮನ್ನು ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ನನ್ನ ಆಸೆಯನ್ನು ಈಡೇರಿಸು, ಇಲ್ಲವಾದರೆ ಪತಿ ಹಾಗೂ ಮಕ್ಕಳನ್ನು ಕೊಲ್ಲುವುದಾಗಿ ಸತೀಶ್ ಬೆದರಿಕೆ ಹಾಕಿದ್ದನು. ನನಗೆ ಏನು ಮಾಡ್ಬೇಕೆಂದು ತೋಚದ ಸ್ಥಿತಿ ಎದುರಾಯ್ತು. ಬಳಿಕ ಅವನ ಮಾತಿಗೆ ಒಪ್ಪಬೇಕಾದ ಸ್ಥಿತಿ ನಿರ್ಮಾಣವಾಯಿತು. ಮಗುವನ್ನು ಬಲವಂತವಾಗಿ ಕಾರಿನಲ್ಲಿ ಬಿಟ್ಟು ಸ್ಥಳೀಯ ಕೊಠಡಿಗೆ ಕರೆದೊಯ್ದು ಸತೀಶ್ ನನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಸಂತ್ರಸ್ತೆ ದೂರಿನಲ್ಲಿ ಆದ ಘಟನೆಯ ಬಗ್ಗೆ ಹೇಳಿದ್ದಾರೆ.