ಭಾರತೀಯ ಯೋಧರ ಬಗ್ಗೆ ಎಲ್ಲರಿಗೂ ಇನ್ನಿಲ್ಲದ ಪ್ರೀತಿ, ಗೌರವ. ಅತ್ಯಂತ ಪ್ರತಿಕೂಲ ಸನ್ನಿವೇಶದಲ್ಲೂ ತಮ್ಮ ಪ್ರಾಣದ ಹಂಗು ತೊರೆದು ದೇಶದ ಗಡಿ ಕಾಯುವ ಸೈನಿಕರು ಯಾವಾಗಲೂ ನಮಗೆ ರಿಯಲ್ ಹೀರೋಗಳಾಗಿ ಕಾಣಿಸುತ್ತಾರೆ. ಅವರನ್ನ ಕಂಡಾಗ ನಮ್ಮಲ್ಲಿ ಗೌರವ ಭಾವನೆ ತಾನಾಗಿ ಮೂಡುತ್ತದೆ. ಅವರನ್ನ ಕಂಡಾಗ ಪ್ರೀತಿಯಿಂದ ಮಾತನಾಡಿಸುತ್ತೇವೆ. ಪ್ರೀತಿಯಿಂದ ಅಪ್ಪಿಕೊಳ್ಳುತ್ತೇವೆ. ಆದರೆ, ಇಲ್ಲೋರ್ವ ಪುಟ್ಟ ಬಾಲಕಿ ಒಂದು ಹೆಜ್ಜೆ ಮುಂದೆ ಹೋಗಿದ್ದಾಳೆ. ಆಕೆಯ ನಡೆಗೆ ಇದೀಗ ಇನ್ನಿಲ್ಲದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಮೆಟ್ರೋ ನಿಲ್ದಾಣದಲ್ಲಿ ನಿಂತಿದ್ದ ಯೋಧರ ಕಾಲಿಗೆ ಪುಟಾಣಿ ಬಾಲಕಿ ನಮಸ್ಕರಿಸಿದ್ದಾಳೆ. ಈ ಮೂಲಕ ಯೋಧರಿಗೆ ಗೌರವ ಸಲ್ಲಿಕೆ ಮಾಡಿದ್ದಾಳೆ. ಕಾಲು ಮುಟ್ಟಿ ನಮಸ್ಕಾರ ಮಾಡುತ್ತಿದ್ದಂತೆ ಮುದ್ದು ಕಂದನನ್ನ ಯೋಧರು ಮುದ್ದಾಡಿದ್ದು, ಜೊತೆಗೆ ಕೆಲ ನಿಮಿಷಗಳ ಕಾಲ ಮಗು ಜೊತೆ ಮಾತನಾಡಿದ್ದಾರೆ. ಮಗುವಿನ ಈ ದೃಶ್ಯ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಅನೇಕರ ಹೃದಯ ಕರಗಿ ನಿರಾಗುವಂತೆ ಮಾಡಿದೆ.