ಕೇಜ್ರಿವಾಲ್​ರನ್ನು ಊಟಕ್ಕೆ ಆಹ್ವಾನಿಸಿದ್ದ ಗುಜರಾತ್​ನ ಆಟೋ ಚಾಲಕ ಬಿಜೆಪಿ ಸೇರ್ಪಡೆ

ಅರವಿಂದ್ ಕೇಜ್ರಿವಾಲ್ ಅವರು ಗುಜರಾತ್ ಪ್ರವಾಸಕ್ಕೆ ಬಂದಾಗ ಅವರನ್ನು ಅತಿಥಿಯಾಗಿ ಆಹ್ವಾನಿಸಿದ್ದೆ. ಅದರಂತೆ ಅವರು ಊಟಕ್ಕೆ ಬಂದಿದ್ದರು ಎಂದು ಆಟೋ ಚಾಲಕ ವಿಕ್ರಮ್​ ದತ್ತಾನಿ ಹೇಳಿದ್ದಾರೆ.

ಗುಜರಾತ್​: ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರನ್ನು ಊಟಕ್ಕೆ ಆಮಂತ್ರಿಸಿದ್ದ ಅಮ್ದವಾಡ ನಿವಾಸಿ ಆಟೋ ಚಾಲಕ ವಿಕ್ರಮ್​ ದತ್ತಾನಿ ಅವರು ಬಿಜೆಪಿ ಸೇರ್ಪಡೆ ಆಗಿದ್ದಾರೆ.

ಆಮ್ ಆದ್ಮಿ ಪಕ್ಷದ ವರಿಷ್ಠ ಅರವಿಂದ್​ ಕೇಜ್ರಿವಾಲ್ ಅವರು ಕೆಲವು ವಾರಗಳ ಹಿಂದೆ ಗುಜರಾತ್‌ಗೆ ಭೇಟಿ ನೀಡಿದ್ದರು. ಈ ವೇಳೆ ಇಲ್ಲಿನ ಅಮ್ದವಾಡ ನಿವಾಸಿ ಆಟೋ ಚಾಲಕ ವಿಕ್ರಮ್ ದತ್ತಾನಿ ಅವರು ಕೇಜ್ರಿವಾಲ್ ಅವರನ್ನು ತಮ್ಮ ಮನೆಗೆ ಊಟಕ್ಕೆ ಆಮಂತ್ರಿಸಿದ್ದರು. ಅದರಂತೆ ಮುಖ್ಯಮಂತ್ರಿ ಅವರು ಊಟಕ್ಕೂ ತೆರಳಿದ್ದರು. ಇದಾದ 17 ದಿನಗಳ ನಂತರ ವಿಕ್ರಮ್ ದತ್ತಾನಿ ಅವರು ಬಿಜೆಪಿಯ ಕೇಸರಿ ಉಡುಪನ್ನು ಧರಿಸಿದ್ದಾರೆ.

ಈ ವಿಷಯಕ್ಕೆ ಸಂಬಂಧಿಸಿದಂತೆ ವಿಕ್ರಮ್ ದತ್ತಾನಿ ಅವರು ಮಾತನಾಡಿ, ಅರವಿಂದ್ ಕೇಜ್ರಿವಾಲ್ ಅವರು ಗುಜರಾತ್ ಪ್ರವಾಸಕ್ಕೆ ಬಂದಾಗ ಅವರನ್ನು ಅತಿಥಿಯಾಗಿ ಆಹ್ವಾನಿಸಿದ್ದೆ. ಅದರಂತೆ ಅವರು ಊಟಕ್ಕೆ ಬಂದಿದ್ದರು. ನನ್ನ ಇಡೀ ಸಮಾಜ ಬಿಜೆಪಿಗೆ ಮತ ಹಾಕುತ್ತದೆ ಎಂದು ತಿಳಿಸಿದರು.

ಓದಿ:ಭಾರತದಲ್ಲಿ 5G ಸೇವೆ ಆರಂಭ: ಅ.1 ರಂದು ಚಾಲನೆ ನೀಡಲಿರುವ ಪ್ರಧಾನಿ ಮೋದಿ