ಪಾಟ್ನಾ (ಬಿಹಾರ): ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ನಮ್ಮನಗಲಿ ಒಂದೂವರೆ ವರ್ಷ ಕಳೆದಿದೆ. ಆದರೂ ಬಿಹಾರದ ಸಹರ್ಸಾ ನಿವಾಸಿಗಳು ಮಾತ್ರ "ಬಾಲಿವುಡ್ನ ಧೋನಿ ಮೊನ್ನೆಯಷ್ಟೇ ಇಲ್ಲಿಗೆ ಬಂದಿದ್ದರು. ನಮ್ಮೊಂದಿಗೆ ಕ್ರಿಕೆಟ್ ಆಡಿದ್ದರು" ಎಂದು ಇಂದಿಗೂ ನೆನೆಪಿಸಿಕೊಳ್ಳುತ್ತಾರೆ.
ಸಹರ್ಸಾದಲ್ಲಿ ಕ್ರಿಕೆಟ್ ಆಡಿದ್ದ ಸುಶಾಂತ್ ವಿಡಿಯೋ
ಹೌದು.. ಸುಶಾಂತ್ ಸಿಂಗ್ 2019 ರ ಮೇ 13 ರಂದು ಸಹರ್ಸಾ ಜಿಲ್ಲೆಯಲ್ಲಿರುವ ಗ್ರಾಮವೊಂದಕ್ಕೆ ತೆರಳಿ ಅಲ್ಲಿನ ಮಕ್ಕಳು, ಯುವಕರೊಂದಿಗೆ ಕ್ರಿಕೆಟ್ ಆಡಿದ್ದರು. ಈ ದೃಶ್ಯದ ವಿಡಿಯೋ ಇಂದಿಗೂ ಅಲ್ಲಿನ ಜನರ ಮೊಬೈಲ್ ಫೋನ್‌ಗಳಲ್ಲಿದೆ. ಎಷ್ಟೋ ಮಂದಿ ಅಂದು ನಟನ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದರು. ಇಂದು ಸುಶಾಂತ್ರ 36ನೇ ವರ್ಷದ ಜನ್ಮದಿನದ ಹಿನ್ನೆಲೆ ಅವರೆಲ್ಲರೂ ತಮ್ಮ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿ ಈ ವಿಡಿಯೋ, ಫೋಟೋಗಳನ್ನು ಹಂಚಿಕೊಂಡು ನಟನನ್ನು ನೆನೆಯುತ್ತಿದ್ದಾರೆ.