5G ಪರೀಕ್ಷಾರ್ಥ ಪ್ರಯೋಗ: ಗರಿಷ್ಠ ವೇಗ ದಾಖಲಿಸಿದ ವೊಡಾಫೋನ್​

ವೊಡಾಫೋನ್​ ತನ್ನ 5 ಜಿ ಪ್ರಯೋಗವನ್ನು ಕ್ಲೌಡ್ ಕೋರ್, ಹೊಸ ತಲೆಮಾರಿನ ಸಾರಿಗೆ ಮತ್ತು ರೇಡಿಯೋ ಪ್ರವೇಶ ಜಾಲದ ಎಂಡ್ - ಟು - ಎಂಡ್ ಕ್ಯಾಪ್ಟಿವ್ ನೆಟ್‍ವರ್ಕ್‍ನ ಲ್ಯಾಬ್ ಸೆಟ್​ ಅಪ್‍ನಲ್ಲಿ ನಡೆಸಿದೆ. ಈ ಪ್ರಯೋಗದಲ್ಲಿ MM ವೇವ್ ಸ್ಪೆಕ್ಟ್ರಮ್ ಬ್ಯಾಂಡ್‍ನಲ್ಲಿ ಅತಿ ಕಡಿಮೆ ಸುಪ್ತತೆಯೊಂದಿಗೆ ವಿ 3.7 ಜಿಬಿಪಿಎಸ್‍ಗಿಂತ ಹೆಚ್ಚಿನ ವೇಗವನ್ನು ಸಾಧಿಸಿದೆ.

ಮುಂಬೈ: ಟೆಲಿಕಾಂ ಆಪರೇಟರ್ ವೊಡಾಫೋನ್ ಐಡಿಯಾ ಲಿಮಿಟೆಡ್ (ವಿಐಎಲ್) ತನ್ನ 5 ಜಿ ಪ್ರಯೋಗಗಳಲ್ಲಿ ಎಂಎಂ ವೇವ್ ಸ್ಪೆಕ್ಟ್ರಮ್ ಬ್ಯಾಂಡ್‌ನಲ್ಲಿ ಅತಿ ಕಡಿಮೆ ಸುಪ್ತತೆಯೊಂದಿಗೆ 3.7 ಜಿಬಿಪಿಎಸ್​ಗಿಂತ ಹೆಚ್ಚಿನ ವೇಗವನ್ನು ಸಾಧಿಸಿದೆ ಎಂದು ಭಾನುವಾರ ಹೇಳಿಕೊಂಡಿದೆ. ಈ ಪರೀಕ್ಷಾರ್ಥ ಪ್ರಯೋಗವನ್ನು ತನ್ನ ತಂತ್ರಜ್ಞಾನ ಮಾರಾಟಗಾರರ ಜತೆಗೆ ಮಹಾರಾಷ್ಟ್ರದ ಪುಣೆ ಮತ್ತು ಗುಜರಾತ್‍ನ ಗಾಂಧಿನಗರದಲ್ಲಿ ಈ ಪ್ರಯೋಗ ಕೈಗೊಂಡಿತ್ತು.

ವೊಡಾಫೋನ್​ ತನ್ನ 5 ಜಿ ಪ್ರಯೋಗವನ್ನು ಕ್ಲೌಡ್ ಕೋರ್, ಹೊಸ ತಲೆಮಾರಿನ ಸಾರಿಗೆ ಮತ್ತು ರೇಡಿಯೋ ಪ್ರವೇಶ ಜಾಲದ ಎಂಡ್-ಟು-ಎಂಡ್ ಕ್ಯಾಪ್ಟಿವ್ ನೆಟ್‍ವರ್ಕ್‍ನ ಲ್ಯಾಬ್ ಸೆಟ್​ಅಪ್‍ನಲ್ಲಿ ನಡೆಸಿದೆ. ಈ ಪ್ರಯೋಗದಲ್ಲಿ MM ವೇವ್ ಸ್ಪೆಕ್ಟ್ರಮ್ ಬ್ಯಾಂಡ್‍ನಲ್ಲಿ ಅತಿ ಕಡಿಮೆ ಸುಪ್ತತೆಯೊಂದಿಗೆ ವಿ 3.7 ಜಿಬಿಪಿಎಸ್‍ಗಿಂತ ಹೆಚ್ಚಿನ ವೇಗವನ್ನು ಸಾಧಿಸಿದೆ ಎಂದು ಹೇಳಲಾಗಿದೆ.

ಈ ವೇಗಗಳನ್ನು 5ಜಿ ಸ್ಯಾಂಡ್ - ನಾನ್ ನೆಟ್ವರ್ಕ್ ಆರ್ಕಿಟೆಕ್ಚರ್ ಮತ್ತು ಎನ್‍ಆರ್ ರೇಡಿಯೋಗಳನ್ನು ಬಳಸಿಕೊಂಡು ಅತ್ಯಾಧುನಿಕ ಉಪಕರಣಗಳೊಂದಿಗೆ ಸಾಧಿಸಲಾಗಿದೆ ಎಂದು ಕಂಪನಿ ಹೇಳಿದೆ.

ವೊಡಾಫೋನ್​​ ಕಂಪನಿಗೆ ಎಂಎಂ ವೇವ್ ಹೈ ಬ್ಯಾಂಡ್‍ಗಳನ್ನು ಹಂಚಿಕೆ ಮಾಡಲಾಗಿದ್ದು, ಇದರಲ್ಲಿ ಡಿಓಟಿ ನೀಡಿದ 26 Ghz ಹಾಗೂ 5 ಜಿ ನೆಟ್‍ವರ್ಕ್ ಟ್ರಯಲ್‍ಗಳಿಗಾಗಿ ಸಾಂಪ್ರದಾಯಿಕ 3.5 Ghz ಸ್ಪೆಕ್ಟ್ರಮ್ ಬ್ಯಾಂಡ್ ಒಳಗೊಂಡಿದೆ. MM ವೇವ್ 5ಜಿ ಗಾಗಿ ಕಡಿಮೆ ಅಂತರದಲ್ಲಿ ವಿಶಾಲ ವರ್ಣಪಟಲ ಮತ್ತು ಸಾಮರ್ಥ್ಯವನ್ನು ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಇನ್ನು ಈ ಯಶಸ್ಸಿನ ಬಗ್ಗೆ ಮಾತನಾಡಿದ ವೊಡಾಫೋನ್ ಐಡಿಯಾ ಲಿಮಿಟೆಡ್‍ನ ಸಿಟಿಒ ಜಗಬೀರ್ ಸಿಂಗ್, "5ಜಿ ಪ್ರಯೋಗಗಳ ಆರಂಭಿಕ ಹಂತಗಳಲ್ಲಿ 5ಜಿ ಸ್ಪೆಕ್ಟ್ರಮ್ ಬ್ಯಾಂಡ್‍ಗಳ ವೇಗ ಮತ್ತು ವಿಳಂಬ ಫಲಿತಾಂಶಗಳನ್ನು ಕಂಡು ನಾವು ಸಂತಸಗೊಂಡಿದ್ದೇವೆ.

ಭಾರತದಲ್ಲಿ 4ಜಿ ನೆಟ್‍ವರ್ಕ್ ಪ್ಯಾನ್ - ಇಂಡಿಯಾವನ್ನು ಸ್ಥಾಪಿಸಿ ವೇಗದ 4ಜಿ ಮತ್ತು 5ಜಿ- ರೆಡಿ ನೆಟ್‍ವರ್ಕ್ ಅನ್ನು ನೀಡುತ್ತಿರುವ ನಾವು ಮುಂದೆ ಭಾರತದಲ್ಲಿ ಉದ್ಯಮಗಳು ಹಾಗೂ ಗ್ರಾಹಕರಿಗೆ ನಿಜವಾದ ಡಿಜಿಟಲ್ ಅನುಭವವನ್ನು ತರಲು ನೆಕ್ಸ್ಟ್ ಜೆನ್ 5 ಜಿ ತಂತ್ರಜ್ಞಾನವನ್ನು ಪರೀಕ್ಷಿಸುತ್ತಿದ್ದೇವೆ'' ಎಂದು ಕಂಪನಿ ಸಿಇಒ ಹೇಳಿದ್ದಾರೆ.