ಹುಡುಗಿಗೆ ಕಿರುಕುಳ ಆರೋಪ: ಯುವಕನಿಗೆ ಥಳಿಸಿದ ಜನ.. ವಿಡಿಯೋ

ಸೂರತ್(ಗುಜರಾತ್​):ಹುಡುಗಿಯೊಬ್ಬಳಿಗೆ ಅನ್ಯ ಸಮುದಾಯದ ಯುವಕನೊಬ್ಬ ಕಿರುಕುಳ ನೀಡಿದ ಆರೋಪ ಇಲ್ಲಿನ ವೇಸು ಪ್ರದೇಶದ ಮಹಾವೀರ ಕಾಲೇಜಿನಲ್ಲಿ ಕೇಳಿಬಂದಿತ್ತು. ಈ ಹಿನ್ನೆಲೆ ಇಂದು ಸುಮಾರು ಎಂಟರಿಂದ ಒಂಬತ್ತು ಮಂದಿ ಸಂಘಟನೆಯೊಂದಕ್ಕೆ ಸೇರಿದ ಕಾರ್ಯಕರ್ತರು ಕ್ಯಾಂಪಸ್​ಗೆ ಪ್ರವೇಶಿಸಿ ಯುವಕನಿಗೆ ಥಳಿಸಿದ್ದಾರೆ. ಘಟನೆಗೆ ಸಂಬಂಧಿಸಿದ ವಿಡಿಯೋ ಲಭಿಸಿದೆ.

ಈ ಬಗ್ಗೆ ಸಂಘಟನೆಯೊಂದರ ರಾಷ್ಟ್ರೀಯ ಖಜಾಂಚಿ ದಿನೇಶ್ ನವ್ಡಿಯಾ ಮಾತನಾಡಿ, 'ಮೊದಲನೆಯದಾಗಿ ನಾನು ಇದನ್ನು ದಾಳಿ ಎಂದು ಕರೆಯುವುದಿಲ್ಲ; ಇದು ಕೇವಲ ಆತ್ಮರಕ್ಷಣೆಗಾಗಿ ತೆಗೆದುಕೊಂಡ ಕ್ರಮ ಎಂದು ಸಮರ್ಥಿಸಿಕೊಂಡಿದ್ದಾರೆ.

ಲವ್ ಜಿಹಾದ್ ಆಂದೋಲನ ಭಾರತದಾದ್ಯಂತ ವ್ಯಾಪಿಸಿದೆ. ದೇಶದಲ್ಲಿ ಕಳೆದ ವರ್ಷದಲ್ಲಿ ಸುಮಾರು 20 ಹುಡುಗಿಯರು ಆತ್ಮಹತ್ಯೆ ಮಾಡಿಕೊಳ್ಳಬೇಕಾಯಿತು. ದೆಹಲಿಯ ಘಟನೆ ದೇಶಾದ್ಯಂತ ಆತಂಕಕ್ಕೀಡು ಮಾಡಿದೆ ಎಂದರು. ಈ ಕ್ಯಾಂಪಸ್‌ನಲ್ಲಿ ಲವ್ ಜಿಹಾದ್‌ನ ದೊಡ್ಡ ಸಂಚು ನಡೆಯುತ್ತಿರುವುದು ಪತ್ತೆಯಾಗಿದೆ ಎಂದು ಅವರು ಆರೋಪಿಸಿದ್ದಾರೆ.

ಓದಿ:ಬುರ್ಕಾ ಹಾಕಿಕೊಂಡು ಮಕ್ಕಳ‌ ಕೈ ಹಿಡಿದು ಎಳೆದ ಆರೋಪ: ಯುವಕನಿಗೆ ಧರ್ಮದೇಟು ನೀಡಿದ ಸ್ಥಳೀಯರು