'ಹರಿದ ಜೀನ್ಸ್' ಹೇಳಿಕೆ: ದೆಹಲಿಗೆ ಹಾರಿದ ಉತ್ತರಾಖಂಡ ಸಿಎಂ

ಬಿಜೆಪಿ ಮುಖ್ಯಸ್ಥರ ಕರೆ ಹಿನ್ನೆಲೆಯಲ್ಲಿ ರಾವತ್ ಇಂದು ದೆಹಲಿಗೆ ತೆರಳಿದ್ದಾರೆ. ಇವರ 'ಹರಿದ ಜೀನ್ಸ್'​ ಬಗೆಗಿನ ವಿವಾದಿತ ಹೇಳಿಕೆ ದೇಶದಲ್ಲಿ ಭಾರೀ ಸದ್ದು ಮಾಡುತ್ತಿದೆ.

ಡೆಹ್ರಾಡೂನ್: ಹರಿದ ಜೀನ್ಸ್ ಹೇಳಿಕೆ ಸಂಬಂಧ ದೇಶದಲ್ಲಿ ಆಕ್ರೋಶ ಹೆಚ್ಚಾಗುತ್ತಿದ್ದಂತೆ ಉತ್ತರಾಖಂಡ ಮುಖ್ಯಮಂತ್ರಿ ತಿರತ್​ ​​ಸಿಂಗ್ ರಾವತ್ ಅವರನ್ನು ಬಿಜೆಪಿ ಹೈಕಮಾಂಡ್ ದೆಹಲಿಗೆ ಕರೆಸಿಕೊಂಡಿದೆ.

ಈ ಸಂಬಂಧ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಅವರು ರಾವತ್ ಅವರಿಂದ ವಿವರಣೆಯನ್ನು ಪಡೆಯಬಹುದು ಎಂದು ತಿಳಿದುಬಂದಿದೆ. ಬಿಜೆಪಿ ಮುಖ್ಯಸ್ಥರ ದೂರವಾಣಿ ಕರೆಯ ಹಿನ್ನೆಲೆಯಲ್ಲಿ ಅವರು ದೇಶದ ರಾಜಧಾನಿಗೆ ತೆರಳಿದ್ದಾರೆ. ಮಾರ್ಚ್ 10 ರಂದು ಉತ್ತರಾಖಂಡದ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ನಂತರ ಇದೇ ಮೊದಲ ಬಾರಿಗೆ ವಿವಾದಾತ್ಮಕ ವಿಷಯಕ್ಕೆ ಒಳಗಾಗಿದ್ದಾರೆ.