'ನಾಗ್​​ ಔರ್​ ನಾಗಿನಿ ಕಿ ಲವ್​ ಸ್ಟೋರಿ'... ಲವರ್​​ಗೋಸ್ಕರ ಪ್ರಾಣಬಿಟ್ಟ ಹಾವು!

ತಮ್ಮ ಪ್ರೀತಿಗೋಸ್ಕರ ಯುವಕ ಅಥವಾ ಯುವತಿ ಪ್ರಾಣ ತ್ಯಾಗ ಮಾಡುವುದು ಸಾಮಾನ್ಯ. ಆದರೆ, ಪ್ರಾಣಿಗಳು ಸಹ ತಮ್ಮ ಸಂಗಾತಿಗೋಸ್ಕರ ಪ್ರಾಣ ಕಳೆದುಕೊಳ್ಳಲು ಸಿದ್ಧ ಎಂಬುದು ಈ ಸ್ಟೋರಿ ನೋಡಿದ್ರೆ ಗೊತ್ತಾಗುತ್ತದೆ.

ಗೋಪಾಲ್​​​ಗಂಜ್​​(ಬಿಹಾರ):ಮನುಷ್ಯರ ನಡುವಿನ ಪ್ರೇಮ ಪ್ರಕರಣ ಸಾಮಾನ್ಯ. ಪ್ರೀತಿಗಾಗಿ ತಮ್ಮ ಪ್ರಾಣ ತ್ಯಾಗ ಮಾಡಿರುವ ಅನೇಕ ಘಟನೆಗಳು ನಮ್ಮ ಮುಂದೆ ನಡೆದು ಹೋಗಿವೆ. ಆದರೆ, ಇಲ್ಲೊಂದು ವಿಭಿನ್ನ ಪ್ರೇಮ ಪ್ರಕರಣ ಮುನ್ನೆಲೆಗೆ ಬಂದಿದ್ದು, ಇದನ್ನ ಕೇಳಿದ್ರೆ ನೀವೂ ಕೂಡ ಅಚ್ಚರಿ ಪಡುತ್ತೀರಿ. ಇದು ಹಾವುಗಳ ಪ್ರೇಮ ಕಥೆಯಾಗಿದ್ದು, ತನ್ನ ನಾಗಿನಿಗೋಸ್ಕರ ನಾಗರ ಹಾವೊಂದು ಪ್ರಾಣ ತ್ಯಾಗ ಮಾಡಿದೆ.

ನಾಗ್​ ಔರ್​ ನಾಗಿನ್​​ ಕಿ ಲವ್​ ಕಹಾನಿಯನ್ನು ನೀವು ಸಿನಿಮಾಗಳಲ್ಲಿ ಸಾಕಷ್ಟು ಸಲ ನೋಡಿರಬಹುದು. ಆದರೆ, ನಿಜ ಜೀವನದಲ್ಲೂ ಇಂತಹದೊಂದು ಘಟನೆ ನಡೆದಿದೆ. ಗೋಪಾಲ್​​ಗಂಜ್​​ನ ಬೋರ್​ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಪ್ರಕರಣ ಬೆಳಕಿಗೆ ಬಂದಿದೆ. ಇಲ್ಲಿನ ಶಾಯಿ ನದಿ ಬಳಿಯ ಕೊಳದಲ್ಲಿ ಯುವಕನೋರ್ವ ಮೀನು ಹಿಡಿಯಲು ಬಲೆ ಹಾಕಿದ್ದರು. ಇದರಲ್ಲಿ ಹಾವೊಂದು ಸಿಕ್ಕಿಬಿದ್ದಿದೆ. ಅದರ ರಕ್ಷಣೆ ಮಾಡಲು ಮತ್ತೊಂದು ಹಾವು ಅಲ್ಲಿಗೆ ಆಗಮಿಸಿದೆ.

ತುಂಬಾ ಸಮಯ ಪ್ರಯತ್ನ ನಡೆಸಿದ ಹೊರತಾಗಿಯೂ ಬಲೆಯಲ್ಲಿ ಸಿಲುಕಿಕೊಂಡಿದ್ದ ಹಾವನ್ನು ಹೊರ ತೆಗೆಯಲು ಸಾಧ್ಯವಾಗಿಲ್ಲ. ಇದರಿಂದ ಮನನೊಂದ ಮತ್ತೊಂದು ಹಾವು ಸಹ ಬಲೆಯೊಳಗೆ ಹೋಗಿ ಅದರೊಂದಿಗೆ ಪ್ರಾಣ ಕಳೆದುಕೊಂಡಿದೆ. ಇದರ ಸಂಪೂರ್ಣ ವಿಡಿಯೋ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಸಂಗಾತಿಗೋಸ್ಕರ ಪ್ರಾಣಬಿಟ್ಟ ಹಾವು

ಎರಡು ಹಾವಿನ ಸಮಾಧಿ ಮಾಡಿದ ಗ್ರಾಮಸ್ಥರು: ಈ ವಿಡಿಯೋ ನೋಡಿರುವ ಗ್ರಾಮಸ್ಥರು ಅಯ್ಯೋ ಪಾಪ ಎಂದು ಮರುಗಿದ್ದು, ಅವುಗಳನ್ನ ಒಟ್ಟಿಗೆ ಸಮಾಧಿ ಮಾಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ನಾಗ್​-ನಾಗಿನಿ ಅದ್ಭುತ ಪ್ರೇಮ ಕಹಾನಿ ಬಗ್ಗೆ ಪಕ್ಕದ ಇತರೆ ಹಳ್ಳಿಗಳಲ್ಲೂ ಚರ್ಚೆಯಾಗುತ್ತಿದೆ.