ನವದೆಹಲಿ :ಟೆಲಿಕಾಂ ಸೇವೆಯಲ್ಲಿ ನೆಟ್ವರ್ಕ್ ಸಾಮರ್ಥ್ಯವನ್ನು ಹೆಚ್ಚಿಸುವ ಸಲುವಾಗಿ ಉದ್ಯಮಗಳಿಗೆ ತರಂಗಾಂತರಗಳನ್ನು ಹರಾಜು ಮಾಡುವ ಬಗ್ಗೆ ಟೆಲಿಕಮ್ಯುನಿಕೇಷನ್ ಇಲಾಖೆ ಸಲ್ಲಿಸಿದ್ದ ಪ್ರಸ್ತಾವನೆಗೆ ಕೇಂದ್ರ ಸಂಪುಟ ಬುಧವಾರ ಒಪ್ಪಿಗೆ ನೀಡಿದೆ.
ಈ ಬಗ್ಗೆ ಕೇಂದ್ರ ಸಚಿವ ರವಿಶಂಕರ್ ಪ್ರಸಾದ್ ಮಾಹಿತಿ ನೀಡಿದ್ದು, ಮುಂದಿನ ಸುತ್ತಿನ ಹರಾಜು ನಡೆಸಲು ಕೇಂದ್ರ ಒಪ್ಪಿಗೆ ನೀಡಿದೆ. ಕೊನೆಯ ಹರಾಜ 2016ರಲ್ಲಿ ನಡೆದಿದ್ದು, ಈವರೆಗೂ ಯಾವುದೇ ಹರಾಜು ನಡೆದಿರಲಿಲ್ಲ.
ಇದನ್ನೂ ಓದಿ:ವರ್ಷಾಂತ್ಯಕ್ಕೆ ಕಬ್ಬು ಕೃಷಿಕರಿಗೆ ಸಿಹಿ ಸುದ್ದಿ ಕೊಟ್ಟ ಕೇಂದ್ರ: 3,500 ಕೋಟಿ ರೂ. ಸಬ್ಸಿಡಿ
700, 800, 900, 1800, 2100, 2300 ಮತ್ತು 2500 ಮೆಗಾಹರ್ಟ್ಜ್ ಬ್ಯಾಂಡ್ಗಳನ್ನು ಸುಮಾರು 20 ವರ್ಷಗಳ ಅವಧಿಗೆ ಹರಾಜು ಮಾಡಲಾಗುತ್ತದೆ. ಕೇಂದ್ರ ಸರ್ಕಾರದ ಹೇಳಿಕೆಯಂತೆ 2,251.25 ಮೆಗಾಹರ್ಟ್ಜ್ನ ತರಂಗಾತರವನ್ನು 3,92,332.70 ಕೋಟಿ ರೂಪಾಯಿಗೆ ಹರಾಜು ಹಾಕಲಾಗುತ್ತದೆ ಎಂದು ಸಚಿವರು ಮಾಹಿತಿ ನೀಡಿದ್ದಾರೆ.
ಹರಾಜಿನಲ್ಲಿ ಪಾಲ್ಗೊಳ್ಳುವವರು ಕೆಲ ನಿಯಮಗಳಿಗೆ ಬದ್ಧರಾಗಿರಬೇಕಾಗುತ್ತದೆ. ಅವಶ್ಯಕತೆಯಿದ್ದರೆ ಗರಿಷ್ಠ 16 ಇಎಂಐಗಳಲ್ಲಿ ಹರಾಜು ಪಡೆದುಕೊಂಡವರು ಹಣ ಪಾವತಿಸಬಹುದಾಗಿದೆ.
