ಭಾರತದ ಕ್ರಿಕೆಟ್​ ಭವಿಷ್ಯ ಸುರಕ್ಷಿತವಾಗಿದೆ: ಅಂಡರ್​-19 ವಿಶ್ವಕಪ್​ ಗೆಲುವಿಗೆ ಮೋದಿ ಮೆಚ್ಚುಗೆ

ಭಾರತದ ಕ್ರಿಕೆಟ್ ಭವಿಷ್ಯವು ಸುರಕ್ಷಿತವಾಗಿದೆ ಮತ್ತು ಸಮರ್ಥರ ಕೈಯಲ್ಲಿದೆ ಎಂಬುದನ್ನು ಈ ಅಂಡರ್​-19 ವಿಶ್ವಕಪ್ ಪಂದ್ಯ ತೋರಿಸುತ್ತದೆ ಎಂದು ಪ್ರಧಾನಿ ಮೋದಿ ಅಭಿಪ್ರಾಯಪಟ್ಟಿದ್ದಾರೆ.

ನವದೆಹಲಿ:ಅಂಡರ್-19 ಕ್ರಿಕೆಟ್​​​ ವಿಶ್ವಕಪ್ ಪ್ರಶಸ್ತಿಯನ್ನು ಗೆದ್ದ ಟೀಮ್ ಇಂಡಿಯಾವನ್ನು ಪ್ರಧಾನಿ ಮೋದಿ ಅಭಿನಂದಿಸಿದ್ದು, ಭಾರತದ ಕ್ರಿಕೆಟ್ ಭವಿಷ್ಯವು ಸುರಕ್ಷಿತವಾಗಿದೆ ಮತ್ತು ಸಮರ್ಥರ ಕೈಯಲ್ಲಿದೆ ಎಂಬುದನ್ನು ಈ ವಿಶ್ವಕಪ್ ಪಂದ್ಯ ಸಾಬೀತುಪಡಿಸುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ ನಮ್ಮ ಯುವ ಕ್ರಿಕೆಟಿಗರ ಬಗ್ಗೆ ಅತ್ಯಂತ ಹೆಮ್ಮೆಯಿದೆ. ಐಸಿಸಿ ಅಂಡರ್​- 19 ಕ್ರಿಕೆಟ್​ ವಿಶ್ವಕಪ್ ಗೆದ್ದ ಭಾರತ ತಂಡಕ್ಕೆ ಅಭಿನಂದನೆಗಳು. ಅವರು ಈ ಪಂದ್ಯಾವಳಿಯಲ್ಲಿ ಉತ್ತಮ ಸ್ಥೈರ್ಯವನ್ನು ತೋರಿಸಿದ್ದಾರೆ. ಭಾರತದ ಕ್ರಿಕೆಟ್ ಭವಿಷ್ಯವು ಸುರಕ್ಷಿತವಾಗಿದೆ ಎಂಬುದನ್ನು ಇದು ತೋರಿಸುತ್ತದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ:ಟೀಂ ಇಂಡಿಯಾದಿಂದ ಇಂದು 1000ನೇ ಏಕದಿನ ಪಂದ್ಯ: ಸಜ್ಜಾಗಿದ್ದಾರೆ ಬ್ಲ್ಯೂ ಬಾಯ್ಸ್​

ಶನಿವಾರ ಸರ್ ವಿವಿಯನ್ ರಿಚರ್ಡ್ಸ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಹಣಾಹಣಿಯಲ್ಲಿ ಇಂಗ್ಲೆಂಡ್ ತಂಡವನ್ನು ಸೋಲಿಸಿದ ಭಾರತವು ಐದನೇ ಅಂಡರ್ 19 ಕ್ರಿಕೆಟ್​ ವಿಶ್ವಕಪ್ ಪ್ರಶಸ್ತಿಯನ್ನು ಗೆದ್ದುಕೊಂಡಿದೆ. ಯಶ್ ಧುಲ್ ನೇತೃತ್ವದ ತಂಡ ಈ ಸಾಧನೆ ಮಾಡಿದ್ದು, ಇದಕ್ಕೂ ಮೊದಲು ಭಾರತ 2000, 2008, 2012 ಮತ್ತು 2018ರಲ್ಲಿ ಅಂಡರ್​-19 ಕ್ರಿಕೆಟ್​ ವಿಶ್ವಕಪ್ ಗೆದ್ದಿತ್ತು.