ಕಾರು ಅಪಘಾತದಲ್ಲಿ ಇಬ್ಬರ ಸಾವು: ಒಂದೂವರೆ ಕೆಜಿ ಚಿನ್ನ ಪತ್ತೆ

ಅಪಘಾತಗೊಂಡ ಕಾರಿನಲ್ಲಿದ್ದ ಸುಮಾರು ಒಂದೂವರೆ ಕೆಜಿ ಚಿನ್ನವನ್ನು ಪೊಲೀಸರು ಜಪ್ತಿ ಮಾಡಿದ್ದಾರೆ. ಕಾರಿನಲ್ಲಿ 10 ಬ್ಯಾಗ್​ಗಳಲ್ಲಿ ಪುಸ್ತಕಗಳು ಪತ್ತೆಯಾಗಿವೆ.

ಪೆದ್ದಪಲ್ಲಿ (ತೆಲಂಗಾಣ):ರಸ್ತೆ ಅಪಘಾತದಲ್ಲಿ ಇಬ್ಬರು ಚಿನ್ನದ ವ್ಯಾಪಾರಿಗಳು ಸಾವನ್ನಪ್ಪಿ, ಮತ್ತಿಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಪೆದ್ದಪಲ್ಲಿ ಜಿಲ್ಲೆಯ ರಾಮಗುಂಡಂ ಎನ್​ಟಿಪಿಸಿ ಬಳಿಯಿರುವ ಮಲ್ಯಾಲಪಲ್ಲಿ ರೈಲ್ವೆ ಸೇತುವೆ ಬಳಿ ನಡೆದಿದೆ.

ವೇಗದ ಚಾಲನೆಯಿಂದ ಕಾರು ಉರುಳಿ ಅಪಘಾತ ಸಂಭವಿಸಿದ್ದು, ಗಾಯಾಳುಗಳನ್ನು ಕರೀಂನಗರ ಆಸ್ಪತ್ರೆಗೆ ರವಾನೆ ಮಾಡಲಾಗಿದೆ. ಅವರಿಬ್ಬರ ಸ್ಥಿತಿಯೂ ಗಂಭೀರವಾಗಿದೆ .

ಕಾರಿನಲ್ಲಿದ್ದ ಸುಮಾರು ಒಂದೂವರೆ ಕೆಜಿ ಚಿನ್ನವನ್ನು ಪೊಲೀಸರು ಜಪ್ತಿ ಮಾಡಿದ್ದಾರೆ. ಕಾರಿನಲ್ಲಿ ಚಿನ್ನದ ಜೊತೆ 10 ಬ್ಯಾಗ್​ಗಳಲ್ಲಿ ಪುಸ್ತಕಗಳು ಪತ್ತೆಯಾಗಿವೆ.

ಮೃತರನ್ನು ಚಿನ್ನದ ವ್ಯಾಪಾರಿಗಳೆಂದು ಪೊಲೀಸರು ಗುರುತಿಸಿದ್ದು, ಗುಂಟೂರು ಜಿಲ್ಲೆಯ ನರಸರಾವ್​ಪೇಟ್​ ಮೂಲದವರೆಂದು ಪೊಲೀಸರ ಪ್ರಾಥಮಿಕ ತನಿಖೆಯಲ್ಲಿ ತಿಳಿದು ಬಂದಿದೆ.

ಇದನ್ನೂ ಓದಿ:ವಿಜಯವಾಡ ದುರ್ಗಾ ದೇವಸ್ಥಾನದಲ್ಲಿ ಅಕ್ರಮ : 15 ಮಂದಿ ಉದ್ಯೋಗಿಗಳು ಅಮಾನತು

ಕೋಠಾ ರಾಮ್​ಬಾಬು, ಆತನ ಸಹೋದರ ಕೋಠಾ ಶ್ರೀನಿವಾಸ್, ಆತನ ಸಂಬಂಧಿಯಾದ ಸಂತೋಷ್ ಮತ್ತು ಮತ್ತು ಚಾಲಕ ಸಂತೋಷ್ ಕಾರಿನಲ್ಲಿದ್ದರೆಂದು ತಿಳಿದು ಬಂದಿದೆ.

ಅಪಘಾತದ ನಂತರ ನಾಲ್ವರೂ ಕಾರಿನೊಳಗೆ ಸಿಕ್ಕಿಹಾಕಿಕೊಂಡಿದ್ದು, ಹೊರತೆಗೆಯುವ ವೇಳೆ ಕೋಠಾ ರಾಮ್​ಬಾಬು ಸಾವನ್ನಪ್ಪಿದ್ದಾನೆ. ನಂತರ ಆಸ್ಪತ್ರೆಗೆ ಸಾಗಿಸುವ ವೇಳೆ ಕೋಠಾ ಶ್ರೀನಿವಾಸ್ ಸಾವನ್ನಪ್ಪಿದ್ದಾನೆ.

ಚಾಲಕ ಸಂತೋಷ್ ಮತ್ತು ಶ್ರೀನಿವಾಸ್ ಸಂಬಂಧಿ ಸಂತೋಷ್​ಗೆ ಗಂಭೀರ ಗಾಯಗಳಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಅಪಘಾತಕ್ಕೆ ಕಾರಣವೇನೆಂದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.