ಪಶ್ಚಿಮ ಗೋದಾವರಿ (ಆಂಧ್ರ ಪ್ರದೇಶ):ಮಕರ ಸಂಕ್ರಾಂತಿ ಹಬ್ಬದ ವೇಳೆ ಪ್ರತಿ ವರ್ಷವೂ ಆಂಧ್ರ ಪ್ರದೇಶದಲ್ಲಿ ಕೋಳಿ ಅಂಕ ಅಥವಾ ಕೋಳಿ ಪಡೆ ಆಯೋಜಿಸಲಾಗುತ್ತದೆ. ಸರ್ಕಾರ ನಿಷೇಧ ಹೇರಿದ್ದರೂ ಕೂಡ ಜನ ಲೆಕ್ಕಕ್ಕೇ ತೆಗೆದುಕೊಳ್ಳದೆ ಬೆಟ್ಟಿಂಗ್ ಜೊತೆ ಕೋಳಿ ಕಾಳಗವನ್ನ ನಡೆಸುತ್ತಾರೆ.
ಪಶ್ಚಿಮ ಗೋದಾವರಿ ಜಿಲ್ಲೆಯ ಶೃಂಗವಕ್ಷಮ್‌ ಎಂಬಲ್ಲಿ ಕೊವ್ರು ರಾಮಯ್ಯ ಎಂಬವರು ತಮ್ಮ ಸ್ನೇಹಿತನ ಜೊತೆ ಸೇರಿ ಇತ್ತೀಚೆಗೆ 2.40 ರೂ. ಲಕ್ಷ ಮೌಲ್ಯದ ರಾಯಲ್ ಎನ್‌ಫೀಲ್ಡ್ ಬುಲೆಟ್ ಬೈಕ್ ಖರೀದಿಸಿದ್ದರು. ಹಬ್ಬದ ವೇಳೆ ಇವರಿಬ್ಬರೂ ಕೋಳಿ ಪಡೆಯಲ್ಲಿ ಪಾಲ್ಗೊಂಡಿದ್ದು, ಗೆದ್ದವರಿಗೆ ಬುಲೆಟ್ ಬೈಕ್ ಎಂದು ಬೆಟ್ ಕಟ್ಟಿದ್ದರು. ಇದೀಗ ಕೋಳಿ ಕಾಳಗದಲ್ಲಿ ಕೊವ್ರು ರಾಮಯ್ಯ ಅವರ ಹುಂಜ ಗೆದ್ದಿದ್ದು, ಬೈಕ್ ಇವರ ಪಾಲಾಗಿದೆ.