Video: ಜಮೀನಿಗೋಸ್ಕರ ಹೊಡೆದಾಡಿಕೊಂಡ ಒಡಹುಟ್ಟಿದ ಸಹೋದರರು!

ಜಮೀನು ವಿಚಾರಕ್ಕೋಸ್ಕರ ಇಬ್ಬರು ಸಹೋದರರು ಪರಸ್ಪರ ಹೊಡೆದಾಡಿಕೊಂಡಿರುವ ಘಟನೆ ಮಹಾರಾಷ್ಟ್ರದ ಔರಂಗಾಬಾದ್​ನಲ್ಲಿ ನಡೆದಿದೆ.

ಔರಂಗಾಬಾದ್​(ಮಹಾರಾಷ್ಟ್ರ):”ಹುಟ್ಟುತ್ತಾ ಹುಟ್ಟುತ್ತಾ ಅಣ್ಣ- ತಮ್ಮಂದಿರು, ಬೆಳೆಯುತ್ತಾ ಬೆಳೆಯುತ್ತಾ ದಾಯಾದಿಗಳು..” ಈ ಗಾದೆ ಅನೇಕ ಪ್ರಕರಣಗಳಲ್ಲಿ ಸಾಬೀತುಗೊಂಡಿದೆ. ಸದ್ಯ ಅಂತಹ ಮತ್ತೊಂದು ಘಟನೆ ಮಹಾರಾಷ್ಟ್ರದ ಔರಂಗಾಬಾದ್​​ನಲ್ಲಿ ನಡೆದಿದೆ.

ಜಮೀನು ವಿವಾದಕ್ಕೋಸ್ಕರ ಇಬ್ಬರು ಒಡಹುಟ್ಟಿದ ಸಹೋದರರು ಹೊಡೆದಾಡಿಕೊಂಡಿರುವ ವಿಡಿಯೋ ಸದ್ಯ ವೈರಲ್​ ಆಗಿದ್ದು, ಔರಂಗಾಬಾದ್​​ನ ಫುಲಾಂಬ್ರಿ ತಾಲೂಕಿನ ಪಾಲ್​ ಗ್ರಾಮದಲ್ಲಿ ನಡೆದಿದೆ. ಸಹೋದರರಾದ ಜಗದೀಶ್​ ಕುಮಾರ್​ ಹಾಗೂ ಸತೀಶ್​ ಕುಮಾರ್​ ಜಮೀನು ವಿಚಾರವಾಗಿ ಗದ್ದೆಯಲ್ಲೇ ಹೊಡೆದಾಡಿಕೊಂಡಿದ್ದಾರೆ.

ಇದಕ್ಕೆ ಸಂಬಂಧಿಸಿದಂತೆ ಫುಲಾಂಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಹಿಂದಿನಿಂದಲೂ ಇಬ್ಬರ ನಡುವೆ ಜಮೀನು ವಿಚಾರವಾಗಿ ಮೇಲಿಂದ ಮೇಲೆ ಗಲಾಟೆ ನಡೆಯುತ್ತಿತ್ತು ಎಂದು ತಿಳಿದು ಬಂದಿದೆ.