ದುಬ್ರಿ (ಅಸ್ಸಾಂ) : ಭೀಕರ ರಸ್ತೆ ಅಪಘಾತದಲ್ಲಿ ನಾಲ್ವರು ಯುವಕರು ಸ್ಥಳದಲ್ಲೇ ಮೃತಪಟ್ಟ ಘಟನೆ ಇಲ್ಲಿನ ದುಬ್ರಿ ಜಿಲ್ಲೆಯ ಬಿಲಸಿಪಾರದಲ್ಲಿ ಕಳೆದ ರಾತ್ರಿ 11 ಗಂಟೆಯ ಸುಮಾರಿಗೆ ಜರುಗಿದೆ. ಹಜಾರಿಪಾರಾದ ಸಮೀಪದ ಬೆಳ್ತಾಳಿ ಹಾಗೂ ಫಕಿರಾಗ್ರಾಮ್ ರಸ್ತೆಯಲ್ಲಿ ಎರಡು ಬೈಕ್ಗಳು ಡಿಕ್ಕಿಯಾಗಿವೆ.
ಒಂದು ಬೈಕ್ ಬಿಲಸಿಪಾರ ಕಡೆಯಿಂದ ಫಕಿರಗ್ರಾಮ್ ಕಡೆಗೆ ವೇಗವಾಗಿ ಸಂಚರಿಸುತ್ತಿತ್ತು. ಇನ್ನೊಂದು ಬೈಕ್ (ಕೋಕ್ರಾಜಾರ್ನಿಂದ ಹಜಾರಿಪಾರಾ) ಬಿಲಸಿಪಾರದ ಕಡೆಗೆ ವಿರುದ್ಧ ದಿಕ್ಕಿನಲ್ಲಿ ವೇಗವಾಗಿ ಬರುತ್ತಿತ್ತು. ವೇಗವಾಗಿ ಬಂದ ಎರಡೂ ಬೈಕ್ಗಳು ಹಜಾರಿಪಾರಾದ ಬಿಲಸಿಪಾರದಲ್ಲಿ ಮುಖಾಮುಖಿಯಾಗಿ ಡಿಕ್ಕಿಗೊಳಗಾಗಿವೆ. ಪರಿಣಾಮ, ನಾಲ್ವರು ಸ್ಥಳದಲ್ಲಿಯೇ ಅಸುನೀಗಿದ್ದಾರೆ.
ಮೃತರನ್ನು ಜಹೀರ್ ಖಾ, ನೂರ್ಭಕ್ತಾ ಖಾ, ನೂರಮ್ಮಹಮ್ಮದ್ ಹುಸೇನ್ ಮತ್ತು ಅಬು ಸಿದ್ದಿಕಿ ಎಂದು ಗುರುತಿಸಲಾಗಿದೆ. ಜಹೀರ್ ಖಾ, ನೂರ್ಭಕ್ತಾ ಖಾ ಅವರು ಬಿಲಸ್ಪರದ ಮಸ್ಪರ ನಿವಾಸಿಗಳೆಂದು ತಿಳಿದುಬಂದಿದೆ. ಅದೇ ರೀತಿ ನೂರಮ್ಮಹಮ್ಮದ್ ಹುಸೇನ್ ಮತ್ತು ಅಬು ಸಿದ್ದಿಕಿ ಫಕಿರಾಗ್ರಾಮ್ನ ಪಕಿರ್ತಲಾದವರು ಎಂಬ ಮಾಹಿತಿ ಸಿಕ್ಕಿದೆ.