ಮೇದಕ್(ತೆಲಂಗಾಣ): ತೆಲಂಗಾಣದ ಮೇದಕ್ ಜಿಲ್ಲೆಯ ಚೇಗುಂಟಾ ಬಳಿ ಇಂದು ಬೆಳಗ್ಗೆ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ಮೂವರು ಸಹೋದರರು ದುರ್ಮರಣಕ್ಕೀಡಾಗಿದ್ದಾರೆ. ಲಾರಿಗೆ ಬೈಕ್ ಡಿಕ್ಕಿ ಹೊಡೆದು ಘಟನೆ ನಡೆದಿದೆ ಎಂದು ಹೇಳಲಾಗ್ತಿದೆ.
ಅಪಘಾತದಲ್ಲಿ ಚೇಗುಂಟಾ ವಿಭಾಗದ ಉಳ್ಳಿ ತಿಮ್ಮಯಪಲ್ಲಿ ನಿವಾಸಿಗಳಾದ ರಾಕೇಶ್ (20), ಪ್ರದೀಪ್ (15) ಮತ್ತು ಅರವಿಂದ್ (14) ಎಂಬ ಸಹೋದರರು ಸಾವಿಗೀಡಾಗಿದ್ದಾರೆ. ಪ್ರದೀಪ್ ಮತ್ತು ಅರವಿಂದ್ ಚೇಗುಂಟಾದ ಜಿಲ್ಲಾ ಪರಿಷತ್ ಪ್ರೌಢಶಾಲೆಯಲ್ಲಿ ಓದುತ್ತಿದ್ದಾರೆ. ಬೆಳಗ್ಗೆ ರಾಕೇಶ್ ತನ್ನ ಇಬ್ಬರು ಸಹೋದರರನ್ನು ದ್ವಿಚಕ್ರ ವಾಹನದಲ್ಲಿ ಶಾಲೆಗೆ ಕರೆದುಕೊಂಡು ಹೋಗುತ್ತಿದ್ದಾಗ ನಿಯಂತ್ರಣ ಕಳೆದುಕೊಂಡ ಬೈಕ್ ಲಾರಿಗೆ ಡಿಕ್ಕಿ ಹೊಡೆದಿದೆ.