ಪನ್ನಾ, ಮಧ್ಯಪ್ರದೇಶ: ಪ್ರಪಂಚದಾದ್ಯಂತ ಅತ್ಯಂತ ಆಕರ್ಷಕ, ಗುಣಮಟ್ಟದ ವಜ್ರಗಳು ಸಿಗುವ ಮಧ್ಯಪ್ರದೇಶ ರಾಜ್ಯದ ಪನ್ನಾ ಗಣಿಗಳಲ್ಲಿ ಬುಡಕಟ್ಟು ಸಮುದಾಯದ ಕೂಲಿ ಕಾರ್ಮಿಕನಿಗೆ ಸುಮಾರು 60 ಲಕ್ಷ ರೂಪಾಯಿ ಮೌಲ್ಯದ 13.54 ಕ್ಯಾರೆಟ್ ವಜ್ರ ದೊರಕಿದೆ.
ಕೃಷ್ಣ ಕಲ್ಯಾಣಪುರ ಪಟ್ಟಿ ಬಳಿ ಉತ್ಖನನ ನಡೆಸುತ್ತಿದ್ದ ವೇಳೆ ಮುಲಾಯಂ ಸಿಂಗ್ ಎಂಬಾತನಿಗೆ ವಜ್ರ ದೊರೆತಿದ್ದು, ಮುಲಾಯಂ ಸೇರಿದಂತೆ ಇನ್ನೂ ಆರು ಮಂದಿಗೆ ಸಣ್ಣ ಸಣ್ಣ ವಜ್ರಗಳು ದೊರೆತಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.