ಆಟೋ ಡ್ರೈವರ್ ಖಾತೆಯಲ್ಲಿ 1 ಕೋಟಿ ರೂ.. ಇಷ್ಟೊಂದು ಹಣ ಬಂದಿದ್ದು ಹೇಗೆ?

ಉತ್ತರಾಖಂಡದ ಅಜ್ಮೀರ್​ ನಿವಾಸಿ ರಂಜಿತ್​ ವೃತ್ತಿಯಲ್ಲಿ ಆಟೋ ಚಾಲಕ ಎಂದು ಗುರುತಿಸಿಕೊಂಡಿದ್ದನು. ಆದರೆ, ಸೇನೆ ಸೇರುವ ಯುವಕರಿಂದ ಹೆಚ್ಚಿನ ಪ್ರಮಾಣದಲ್ಲಿ ಹಣ ಪಡೆದುಕೊಂಡು ಮೋಸ ಮಾಡುತ್ತಿದ್ದನು. ಜತೆಗೆ OLXನಲ್ಲಿ ಸ್ಕೂಟರ್​​ ಮಾರಾಟ ಮಾಡುವುದಾಗಿ ಹೇಳಿ ಮೋಸ ಮಾಡಿದ್ದಾನೆ.

ಹಲ್ದ್ವಾನಿ(ಉತ್ತರಾಖಂಡ): ಕೊತ್ವಾಲಿ ಪೊಲೀಸ್​ ಠಾಣೆಯಲ್ಲಿ ವ್ಯಕ್ತಿಯೊಬ್ಬ ಮಾಡುತ್ತಿದ್ದ ವಂಚನೆ ಬಯಲಿಗೆ ತರುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದು, ಆತನ ಖಾತೆಯಲ್ಲಿ 10 ತಿಂಗಳಲ್ಲಿ 1 ಕೋಟಿ ರೂ. ಜಮಾವಣೆ ಆಗಿರುವುದು ತಿಳಿದು ಬಂದಿದೆ.

ಉತ್ತರಾಖಂಡದ ಅಜ್ಮೀರ್​ ನಿವಾಸಿ ರಂಜಿತ್​ ವೃತ್ತಿಯಲ್ಲಿ ಆಟೋ ಚಾಲಕನೆಂದು ಗುರುತಿಸಿಕೊಂಡಿದ್ದನು. ಆದರೆ, ಸೇನೆ ಸೇರುವ ಯುವಕರಿಂದ ಹೆಚ್ಚಿನ ಪ್ರಮಾಣದಲ್ಲಿ ಹಣ ಪಡೆದುಕೊಂಡು ಮೋಸ ಮಾಡುತ್ತಿದ್ದನು. ಇದರ ಜತೆಗೆ OLXನಲ್ಲಿ ಸ್ಕೂಟರ್​ ಮಾರಾಟ ಮಾಡುವುದಾಗಿ ಹೇಳಿ ವ್ಯಕ್ತಿಯೊಬ್ಬನಿಂದ ಹಣ ಕೂಡ ವಂಚಿಸಿದ್ದಾನೆ. ಪೊಲೀಸರ ವಿಚಾರಣೆ ವೇಳೆ ಈ ಕೃತ್ಯ ಬೆಳಕಿಗೆ ಬಂದಿದೆ. ಪ್ರಕರಣ ಬೆಳಕಿಗೆ ತರುವಲ್ಲಿ ಹಲ್ದ್ವಾನಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಆಟೋ ಚಾಲಕ ರಂಜಿತ್​​ನ ಜೈಪುರದ ಐಸಿಐಸಿಐ ಬ್ಯಾಂಕ್​ ಖಾತೆಯಲ್ಲಿ ಕಳೆದ 10 ತಿಂಗಳಲ್ಲಿ 1 ಕೋಟಿಗೂ ಹೆಚ್ಚಿನ ವಹಿವಾಟು ನಡೆದಿದೆ. ಇದರ ಬಗ್ಗೆ ತನಿಖೆ ಆರಂಭಿಸಿದಾಗ ಮಹತ್ವದ ಮಾಹಿತಿ ಬಹಿರಂಗಗೊಂಡಿದೆ. ಇತನೊಂದಿಗೆ ಇತರರು ಶಾಮೀಲಾಗಿದ್ದರು ಎನ್ನಲಾಗಿದ್ದು, ಅವರ ಬಂಧನಕ್ಕಾಗಿ ಇದೀಗ ಶೋಧಕಾರ್ಯ ಆರಂಭ ಮಾಡಲಾಗಿದೆ. ಪ್ರಮುಖ ಆರೋಪಿ ರಂಜಿತ್​ನ ಬಂಧನ ಮಾಡುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದು, ತಾನು ಮಾಡಿರುವ ಮೋಸ ಒಪ್ಪಿಕೊಂಡಿದ್ದಾನೆ.

ತನಿಖೆ ವೇಳೆ ಅನೇಕ ರಾಜ್ಯದ ಯುವಕರಿಗೆ ವಂಚನೆ ಮಾಡಿದ್ದು, ಅದರಿಂದಲೇ ಕೋಟ್ಯಂತರ ರೂ. ಸಂಪಾದನೆ ಮಾಡಿದ್ದಾನೆ. ಇತನ ಬಳಿ ಮೂರು ಆಟೋಗಳಿದ್ದು, ಅವುಗಳನ್ನ ಕೃತ್ಯಕ್ಕಾಗಿ ಬಳಸಿಕೊಳ್ಳುತ್ತಿದ್ದನು ಎನ್ನಲಾಗಿದೆ.