ಘೋರ ದುರಂತ.. ಗೆಳೆಯನ ಹುಟ್ಟುಹಬ್ಬದಂದೇ ಮಸಣ ಸೇರಿದ ಇಬ್ಬರು ಸ್ನೇಹಿತರು

ಗೆಳೆಯನ ಜನ್ಮದಿನವನ್ನು ವಿಭಿನ್ನವಾಗಿ ಆಚರಿಸಲು ನದಿಗೆ ತೆರಳಿದ್ದ ವೇಳೆ, ಆಯತಪ್ಪಿ ಇಬ್ಬರು ಯುವಕರು ನದಿಗೆ ಬಿದ್ದಿರುವ ಘಟನೆ ತೆಲಂಗಾಣದ ಸಂಗಾರೆಡ್ಡಿ ಜಿಲ್ಲೆಯಲ್ಲಿ ನಡೆದಿದೆ.

ಸಂಗಾರೆಡ್ಡಿ (ತೆಲಂಗಾಣ):ಗೆಳೆಯನ ಹುಟ್ಟುಹಬ್ಬವನ್ನು ದೋಣಿಯಲ್ಲಿ ಆಚರಿಸುತ್ತಿದ್ದ ವೇಳೆ ಮದ್ಯಪಾನ ಸೇವಿಸಿದ್ದ ಇಬ್ಬರು ಆಯತಪ್ಪಿ ನದಿಗೆ ಬಿದ್ದು ಮೃತಪಟ್ಟಿರುವ ಘಟನೆ ಜಿಲ್ಲೆಯ ಅಮೀನ್​ಪುರ್​ ಮಂಡಲ್​ನಲ್ಲಿ ನಡೆದಿದೆ.

ಪವನ್ ಹಾಗೂ ನರ್ಸಿಂಗ್ ಮೃತದುರ್ದೈವಿಗಳು. ಜಿಲ್ಲೆಯ ಅಮೀನ್ ಪುರ ಮೂಲದ ಐವರು ಸ್ನೇಹಿತರು ಬರ್ತಡೇ ಸೆಲಬ್ರೇಷನ್ ಮಾಡಲು ನದಿಗೆ ತೆರಳಿದ್ದರು. ಈ ವೇಳೆ, ಅತಿಯಾಗಿ ಮದ್ಯಪಾನ ಸೇವಿಸಿದ್ದ ಇಬ್ಬರು, ನೀರಿಗೆ ಬಿದ್ದಿದ್ದಾರೆ. ಉಳಿದ ಮೂವರು ಪ್ರಾಣಾಪಾಯದಿಂದ ಪಾರಾಗಿದ್ದು, ಸ್ಥಳೀಯರಿಗೆ ಮಾಹಿತಿ ನೀಡಿದ್ದಾರೆ. ಗ್ರಾಮಸ್ಥರು, ಅವರಿಗಾಗಿ ಶೋಧ ಕಾರ್ಯಾಚರಣೆ ನಡೆಸುತ್ತಿದ್ದು, ಪವನ್ ಮೃತದೇಹ ಪತ್ತೆಯಾಗಿದೆ.

ಈಜುತಜ್ಞರು ನರ್ಸಿಂಗ್​​ಗಾಗಿ ಶೋಧ ಕಾರ್ಯ ನಡೆಸುತ್ತಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿರುವ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.