ಟೋಕಿಯೋ ಒಲಿಂಪಿಕ್ಸ್‌: 27 ವರ್ಷದ ಆಸ್ಟ್ರೇಲಿಯಾ ಮಹಿಳಾ ಅಥ್ಲೀಟ್‌ ಕೊರಳಿಗೆ 7 ಪದಕಗಳ ಮಾಲೆ!

27 ವರ್ಷದ ಆಸ್ಟ್ರೇಲಿಯಾದ ಈಜುಪಟು ಎಮ್ಮಾ ಮೆಕಿಯಾನ್ ನಾಲ್ಕು ಚಿನ್ನ ಹಾಗು ಮೂರು ಕಂಚು ಸೇರಿದಂತೆ ಒಟ್ಟು 7 ಪದಕಗಳನ್ನು ತಮ್ಮ ಮುಡಿಗೇರಿಸಿಕೊಂಡು ಒಲಿಂಪಿಕ್ಸ್​​ನಲ್ಲಿ ಅತೀ ಹೆಚ್ಚು ಪದಕಗಳನ್ನು ಗೆದ್ದ ಮಹಿಳಾ ಸ್ಪರ್ಧಿ ಎಂಬ ಹಿರಿಮೆಗೆ ಪಾತ್ರರಾಗಿದ್ದಾರೆ.

ಟೋಕಿಯೊ: ವಿಶ್ವ ದಾಖಲೆ ಮುರಿದು ಮುನ್ನುಗ್ಗಿದ ಆಸ್ಟ್ರೇಲಿಯಾ ಈಜುಪಟುಗಳು ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಮಹಿಳೆಯರ 4x100 ಮೀಟರ್​ ರಿಲೇಯಲ್ಲಿ ಇದೇ ಮೊದಲ ಬಾರಿಗೆ ಚಿನ್ನದ ಪದಕ ಗೆದ್ದಿದ್ದಾರೆ. ಇದರ ಜೊತೆಗೆ ಮಹಿಳಾ ಈಜುಗಾರ್ತಿ ಎಮ್ಮಾ ಮೆಕಿಯಾನ್‌ ಶಿಖರ ಸದೃಶ ಸಾಧನೆ ತೋರಿದ್ದಾರೆ.

ರಿಲೇ ಓಟದಲ್ಲಿ ಆಸ್ಟ್ರೇಲಿಯಾದ ಕೇಲೀ ಮೆಕ್‌ಕೌನ್, ಚೆಲ್ಸಿಯಾ ಹಾಡ್ಜಸ್, ಎಮ್ಮಾ ಮೆಕಿಯಾನ್, ಕೇಟ್ ಕ್ಯಾಂಪ್‌ಬೆಲ್ ಅವರು ಹೊಸ ದಾಖಲೆ ನಿರ್ಮಿಸಿದರು. 3 ನಿಮಿಷ 51.60 ಸೆಕೆಂಡ್​ಗೆ ಇವರು ತಮ್ಮ ಗುರಿ ಮುಟ್ಟಿ ಗೆಲುವಿನ ನಗೆ ಬೀರಿದರು. ಸ್ಪರ್ಧೆಯಲ್ಲಿ ಯುಎಸ್ಎ 3 ನಿಮಿಷ 51.73 ಸೆಕೆಂಡ್​ ತೆಗೆದುಕೊಂಡು ಎರಡನೇ ಸ್ಥಾನ ಪಡೆಯಿತು. ಕೆನಡಾ 3 ನಿಮಿಷ 52.60 ಸೆಕೆಂಡ್​ನಲ್ಲಿ ಆಟ ಮುಗಿಸಿ ಕಂಚಿನ ಪದಕ ಪಡೆಯಿತು.

ಟೋಕಿಯೊ 2020 ಒಲಿಂಪಿಕ್ಸ್‌ನಲ್ಲಿ 27 ವರ್ಷದ ಎಮ್ಮಾ ಮೆಕಿಯಾನ್ ಅವರು ಈ ವರೆಗೆ ಮೂರು ಕಂಚು ಮತ್ತು ನಾಲ್ಕು ಚಿನ್ನ ಸೇರಿದಂತೆ ಒಟ್ಟು 7 ಪದಕಗಳನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ. ಈ ಮೂಲಕ ಒಲಿಂಪಿಕ್ಸ್​​ನಲ್ಲಿ ಅತೀ ಹೆಚ್ಚು ಪದಕಗಳನ್ನು ಗೆದ್ದ ಮಹಿಳಾ ಸ್ಪರ್ಧಿ ಎಂಬ ದಾಖಲೆ ಬರೆದರು.