24 ಗಂಟೆ ಮೂರು ಹಂತದಲ್ಲಿ ವಿದ್ಯುತ್​ ಸರಬರಾಜು: ಚುನಾವಣಾ ಪ್ರಚಾರದಲ್ಲಿ ಪಳನಿಸ್ವಾಮಿ ಭರವಸೆ

24 ಗಂಟೆ ಮೂರು ಹಂತದಲ್ಲಿ ಪಂಪ್​ಸೆಟ್​ಗಳಿಗೆ ವಿದ್ಯುತ್ ಸರಬರಾಜು ನೀಡಲಿದೆ ಎಂದು ತಮಿಳುನಾಡು ಮುಖ್ಯಮಂತ್ರಿ ಎಡಪ್ಪಾಡಿ ಪಳನಿಸ್ವಾಮಿ ಚುನಾವಣಾ ಪ್ರಚಾರದಲ್ಲಿ ಹೇಳಿದ್ದಾರೆ.

ಚೆನ್ನೈ: ಸರ್ಕಾರ ದಿನದ 24 ಗಂಟೆ ಮೂರು ಹಂತದಲ್ಲಿ ಪಂಪ್​ಸೆಟ್​ಗಳಿಗೆ ವಿದ್ಯುತ್ ಸರಬರಾಜು ನೀಡಲಿದೆ ಎಂದು ತಮಿಳುನಾಡು ಮುಖ್ಯಮಂತ್ರಿ ಎಡಪ್ಪಾಡಿ ಪಳನಿಸ್ವಾಮಿ ಶುಕ್ರವಾರ ಹೇಳಿದ್ದಾರೆ.

ತಿರುಪುರದ ಉದುಮಲೈನಲ್ಲಿ ನಡೆದ ಚುನಾವಣಾ ಪ್ರಚಾರದಲ್ಲಿ ಪಳನಿಸ್ವಾಮಿ ಮಾತನಾಡಿದ್ದು, ರೈತರ ಇಚ್ಛೆಯಂತೆ ಸರ್ಕಾರ ಪಂಪ್‌ಸೆಟ್‌ಗಳಿಗೆ 24 ಗಂಟೆ 3 ಫೇಸ್​​​​​​ ವಿದ್ಯುತ್ ಸರಬರಾಜು ಮಾಡಲಿದೆ ಎಂದು ರಾಜ್ಯದ ಜನರಿಗೆ ಭರವಸೆ ನೀಡಿದ್ದಾರೆ.

ಈಗಾಗಲೇ ರೈತರ ಸಾಲಮನ್ನಾ ಮಾಡಿದ್ದೇವೆ ಎಂದು ತಮ್ಮ ಸರ್ಕಾರವನ್ನು ಪ್ರಶಂಶಿಸಿದರು. ಈ ಬಳಿಕ ಡಿಎಂಕೆ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, ತಿರುಪುರದಲ್ಲಿ ಕನಿಮೋಜಿ ಸುಳ್ಳು ಪ್ರಚಾರ ನಡೆಸಿದ್ದಾರೆ ಎಂದರು.