ಕಮಲಾ ನೆಹರು ಉದ್ಯಾನವನದಲ್ಲಿ 4 ಮರಿಗಳಿಗೆ ಜನ್ಮ ನೀಡಿದ ಹುಲಿ

ನಾಲ್ಕು ಮರಿಗಳ ಸೇರ್ಪಡೆಯೊಂದಿಗೆ ಇಲ್ಲಿನ ಕಮಲಾ ನೆಹರು ಝೂಲಾಜಿಕಲ್ ಪಾರ್ಕ್‌ನಲ್ಲಿ ಹುಲಿಗಳ ಸಂಖ್ಯೆ 12ಕ್ಕೇರಿದೆ.

ಇಂದೋರ್( ಮಧ್ಯಪ್ರದೇಶ): ಕಮಲಾ ನೆಹರು ಝೂಲಾಜಿಕಲ್ ಪಾರ್ಕ್‌ನಲ್ಲಿರುವ ಹುಲಿಯೊಂದು ನಾಲ್ಕು ಮರಿಗಳಿಗೆ ಜನ್ಮ ನೀಡಿದೆ. ಈ ಪೈಕಿ ಒಂದು ಹುಲಿಮರಿ ಬಿಳಿ ಬಣ್ಣ ಹೊಂದಿರುವುದು ವಿಶೇಷವಾಗಿದೆ. ಗುರುವಾರ, ಉದ್ಯಾನವನದಲ್ಲಿ ರೇಬಿಸ್‌ನಿಂದ ಆರು ತೋಳಗಳು ಸಾವನ್ನಪ್ಪಿದ್ದು, ಮೃಗಾಲಯದ ಅಧಿಕಾರಿಗಳಲ್ಲಿ ಆತಂಕ ಉಂಟು ಮಾಡಿತ್ತು.

ಇದೀಗ ನಾಲ್ಕು ಹುಲಿಮರಿಗಳ ಜನನ ಮೃಗಾಲಯದ ಅಧಿಕಾರಿಗಳು, ಸಿಬ್ಬಂದಿಯಲ್ಲಿ ಸಂತಸ ಮೂಡಿಸಿದೆ. ಈ ಮೂಲಕ ಹುಲಿಗಳ ಸಂಖ್ಯೆ 12ಕ್ಕೆ ಏರಿಕೆಯಾಗಿದೆ. ಈ ಹಿಂದೆ 8 ಹುಲಿಗಳು ಇಲ್ಲಿದ್ದವು.

ಇದನ್ನೂ ಓದಿ: ಹಾವೇರಿ: ರಂಗೇರಿದ ಪುರಸಿದ್ದೇಶ್ವರ ಜಾತ್ರಾ ಮಹೋತ್ಸವ

ಉದ್ಯಾನವನದ ಪ್ರಭಾರಿ ಡಾ.ಉತ್ತಮ್ ಯಾದವ್ ಪ್ರತಿಕ್ರಿಯಿಸಿ, 'ತಾಯಿ ಜಮುನಾಳಿಗೆ 9ರ ಹರೆಯ. ಮರಿಗಳನ್ನು ತಾಯಿಯೊಂದಿಗೆ ಇರಿಸಲಾಗಿದೆ. ಅವುಗಳು ಆರೋಗ್ಯವಾಗಿವೆ' ಎಂದು ತಿಳಿಸಿದರು.