ಹುಲಿ ಗಣತಿಗೆ ಹೋಗಿದ್ದ ಮಹಿಳಾ ಫಾರೆಸ್ಟ್ ಗಾರ್ಡ್​​ ಹುಲಿ ದಾಳಿಗೆ ಬಲಿ

ಹುಲಿ ಗಣತಿ ಕಾರ್ಯದಲ್ಲಿ ಭಾಗಿಯಾಗಿದ್ದ ವೇಳೆ ಅದರ ದಾಳಿಗೊಳಗಾಗಿ ಮಹಿಳಾ ಫಾರೆಸ್ಟ್​(tiger attack forest guard) ಗಾರ್ಡ್​ವೋರ್ವರು ಸಾವನ್ನಪ್ಪಿರುವ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.

ಚಂದ್ರಾಪುರ(ಮಹಾರಾಷ್ಟ್ರ):ಫಾರೆಸ್ಟ್​ ಗಾರ್ಡ್(Forest guard)​ ಆಗಿ ಸೇವೆ ಸಲ್ಲಿಸುತ್ತಿದ್ದ ಮಹಿಳಾ ಸಿಬ್ಬಂದಿ ಸ್ವಾತಿ(Swati Dhumane) ದುಮಾನೆ ಎಂಬುವವರು ಅರಣ್ಯ ಪ್ರದೇಶದಲ್ಲಿ ಗಣತಿ ನಡೆಸುತ್ತಿದ್ದ ವೇಳೆ ಹುಲಿ ದಾಳಿಗೊಳಗಾಗಿ ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ.

ಹುಲಿ ಗಣಿತಿಯ ಕಾರ್ಯದಲ್ಲಿ ಭಾಗಿಯಾಗಿದ್ದ ಮಹಿಳಾ ಫಾರೆಸ್ಟ್​​ ಗಾರ್ಡ್ ಸ್ವಾತಿ​​​ ಮಹಾರಾಷ್ಟ್ರದ ಟಡೋಬಾ ರಾಷ್ಟ್ರೀಯ ಉದ್ಯಾನದಲ್ಲಿ ಕರ್ತವ್ಯನಿರತರಾಗಿದ್ದರು. ಈ ವೇಳೆ ಹುಲಿಯಿಂದ ದಾಳಿಗೊಳಗಾಗಿದ್ದು, ಗಂಭೀರವಾಗಿ ಗಾಯಗೊಂಡಿದ್ದ ಸ್ವಾತಿ ಸಾವನ್ನಪ್ಪಿದ್ದಾರೆ.

ತಡೋಬಾ-ಅಂಧಾರಿ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಇಂದು ಬೆಳಗ್ಗೆ ಫಾರೆಸ್ಟ್​ ಗಾರ್ಡ್​​ ಸ್ವಾತಿ ದುಮಾನೆ ಗಣತಿ ನಡೆಸುತ್ತಿದ್ದರು. ಈ ವೇಳೆ ಹುಲಿವೊಂದು ಹಠಾತ್​ ಆಗಿ ದಾಳಿ ನಡೆಸಿದೆ.