ಸತತ ಮೂರನೇ ಬಾರಿಗೆ ಸಿಪಿಐ ಪ್ರಧಾನ ಕಾರ್ಯದರ್ಶಿಯಾಗಿ ಸೀತಾರಾಮ ಯೆಚುರಿ ಆಯ್ಕೆ

ಕೇರಳದ ಕಣ್ಣೂರಿನಲ್ಲಿ ನಡೆದ 23ನೇ ಸಿಪಿಐ ಪ್ರತಿನಿಧಿಗಳ ಸಭೆಯಲ್ಲಿ ಪ್ರಧಾನ ಕಾರ್ಯದರ್ಶಿಯಾಗಿ ಸೀತಾರಾಮ ಯೆಚುರಿ ಅವರನ್ನು ಮರು ನೇಮಕ ಮಾಡಲಾಗಿದೆ..

ಕಣ್ಣೂರು(ಕೇರಳ) : ಸಿಪಿಐ ಪ್ರಧಾನ ಕಾರ್ಯದರ್ಶಿಯಾಗಿ ಸೀತಾರಾಮ ಯೆಚುರಿ ಸತತ ಮೂರನೇ ಬಾರಿಗೆ ಆಯ್ಕೆಯಾಗಿದ್ದಾರೆ. ಪಕ್ಷದ ಇತಿಹಾಸದಲ್ಲಿ ಇದೇ ವೇಳೆ ಮೊದಲ ಬಾರಿಗೆ ಪೊಲಿಟ್​ಬ್ಯುರೋದಲ್ಲಿ ದಲಿತ ನಾಯಕನಿಗೆ ಸ್ಥಾನ ನೀಡಲಾಗಿದೆ.

2015ರಲ್ಲಿ ನಡೆದ ಪ್ರತಿನಿಧಿಗಳ ಸಭೆಯಲ್ಲಿ ಪ್ರಕಾಶ್​ ಕಾರಟ್​ ಸ್ಥಾನಕ್ಕೆ ಯೆಚುರಿ ನೇಮಕವಾಗಿದ್ದರು. 2018ರಲ್ಲೂ ಎರಡನೇ ಬಾರಿಗೆ ಮುಂದುವರೆದಿದ್ದರು. ಈಗ 3ನೇ ಅವಧಿಗೂ ಅವರೇ ಪ್ರಧಾನ ಕಾರ್ಯದರ್ಶಿ ನೇಮಕವಾಗಿದ್ದಾರೆ. ಇತ್ತ, ಪೊಲಿಟ್​ಬ್ಯುರೋದಲ್ಲಿ ಪಕ್ಷದ ದಲಿತ ನಾಯಕ, ಪಶ್ಚಿಮ ಬಂಗಾಳದ ಡಾ.ರಾಮಚಂದ್ರ ದೋಮ್​ ಅವರಿಗೆ ಅವಕಾಶ ನೀಡಲಾಗಿದೆ. ಇತ್ತೀಚೆಗೆ ಪಕ್ಷದಲ್ಲಿ ದಲಿತ ನಾಯಕರ ಪ್ರಾತಿನಿಧ್ಯ ಕಡಿಮೆ ಎಂದು ಯೆಚುರಿ ಹೇಳಿದ್ದರು. ಇದರ ಬೆನ್ನಲೇ ದಲಿತರಿಗೆ ಅವಕಾಶ ನೀಡಲಾಗಿದೆ. ಪೊಲಿಟ್​ಬ್ಯುರೋದಲ್ಲಿ 17 ಜನ ಸದಸ್ಯರು ಇರಲಿದ್ದಾರೆ.

ಇದನ್ನೂ ಓದಿ:'ಜಗತ್ತಿನಾದ್ಯಂತ ಅಪಹಾಸ್ಯಕ್ಕೆ ಒಳಗಾಗಿರುವ ಪಕ್ಷ ನಮ್ಮದಲ್ಲ': ರಾಹುಲ್‌ಗೆ ಮಾಯಾವತಿ ತಿರುಗೇಟು