ಸಿಸಿಟಿವಿ ಒಡೆದು ಎಟಿಎಂ ದರೋಡೆಗೆ ಬಂದ ಕಳ್ಳರು ಇನ್ನೊಂದು ಸಿಸಿಟಿವಿಯಲ್ಲಿ ಸಿಕ್ಕು ಪೇಚಿಗೀಡಾದ್ರು!

ಎಟಿಎಂ ದರೋಡೆಗೈದು ತಕ್ಷಣ ಹಣ ಮಾಡುವ ಅಡ್ಡದಾರಿ ಹಿಡಿದ ಕಳ್ಳರಿಬ್ಬರು ಆ ಕಡೆ ಹಣನೂ ಸಿಗದೆ, ಈ ಕಡೆ ಸಿಸಿಟಿವಿಯಲ್ಲೂ ಸೆರೆಯಾಗಿ ಮರ್ಯಾದೆ ಕಳೆದುಕೊಂಡ ಘಟನೆ ತೆಲಂಗಾಣದ ಖಮ್ಮಂನಲ್ಲಿ ನಡೆದಿದೆ.

ಖಮ್ಮಂ(ತೆಲಂಗಾಣ):ಎಟಿಎಂನಿಂದ ಹಣ ದೋಚಲು ಬಂದ ಕಳ್ಳರು ಪೇಚಿಗೆ ಸಿಲುಕಿದ ಘಟನೆ ತೆಲಂಗಾಣದ ಖಮ್ಮಂ ಜಿಲ್ಲೆಯ ಮಧಿರ ಬಸ್ ನಿಲ್ದಾಣದ ಸಮೀಪವಿರುವ ಎಟಿಎಂ ಕೇಂದ್ರದಲ್ಲಿ ಜರುಗಿದೆ.

ಬಸ್ ​ನಿಲ್ದಾಣದ ಹೆದ್ದಾರಿಯ ಪಕ್ಕದಲ್ಲಿದ್ದ ರೈಲ್ವೇ ಓವರ್ ಬ್ರಿಡ್ಜ್​ ಕೆಳಗಡೆ ಒಂದು ಎಟಿಎಂ ಇದೆ. ಅದರೊಳಗೆ ಮಧ್ಯರಾತ್ರಿ ವೇಳೆ ನುಗ್ಗಿದ ಕಳ್ಳರಿಬ್ಬರು ಅಲ್ಲಿದ್ದ ಸಿಸಿಟಿವಿಯೊಂದನ್ನು ಗಮನಿಸಿ ಮೊದಲು ಅದನ್ನು ಒಡೆದು ಹಾಕಿದರು. ಆ ಬಳಿಕ ತಮ್ಮ ಎಟಿಎಂ ಚೋರಿ ಕೆಲಸ ಮುಂದುವರೆಸಿದ್ದಾರೆ. ಎಟಿಎಂ ಯಂತ್ರ ಒಡೆಯಲು ಶತಾಯಗತಾಯ ಪ್ರಯತ್ನಪಟ್ಟರು. ಆದ್ರೆ ಕೊನೆಗೆ ಇಬ್ಬರಿಂದ ಯಂತ್ರ ಒಡೆಯುವ ಕಾರ್ಯ ಅಸಾಧ್ಯ ಎಂದು ಮನಗಂಡಿದ್ದಾರೆ. ಎಷ್ಟೇ ಪ್ರಯಾಸಪಟ್ಟರೂ ಹಣ ಪಡೆಯಲಾಗದ ಕಳ್ಳರು ನಿರಾಸೆ ಅನುಭವಿಸಿದರು.

ಕೊರೊನಾ ಸಮಯವಾದ್ರಿಂದ ಮಾಸ್ಕ್​ ಧರಿಸಿ ಜಾಗೃತರಾದ ಕಳ್ಳರು, ಅದೇ ಎಟಿಎಂನಲ್ಲಿದ್ದ ಇನ್ನೊಂದು ಸಿಸಿಟಿವಿಯನ್ನು ಕಾಣದಾದರು. ಇವರು ಎಟಿಎಂ ಕೇಂದ್ರದೊಳಗೆ ನಡೆಸಿದ ಪ್ರಯತ್ನಗಳೆಲ್ಲವೂ ಅದರಲ್ಲಿ ಅದಾಗಲೇ ಸೆರೆಯಾಗಿತ್ತು.

ಆ ಬಳಿಕ ಇನ್ನೊಂದು ಸಿಸಿ ಕ್ಯಾಮರಾ ಕಂಡ ಕಳ್ಳರು ಅಲ್ಲಿಂದ ಕಾಲ್ಕಿತ್ತರು. ಮುಂಜಾನೆ ಎಟಿಎಂ ನಿರ್ವಾಹಕ ಅಲ್ಲಿದೆ ಬಂದಾಗ ವಿಷಯ ತಿಳಿದಿದೆ. ತಕ್ಷಣ ಆತ ಪಟ್ಟಣ ಪೊಲೀಸರಿಗೆ ಸುದ್ದಿ ಮುಟ್ಟಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಇದನ್ನೂ ಓದಿ:ರಾಜಕೀಯ ಕುಟುಂಬದ ಯುವಕನಿಗೆ ISI ಹನಿಟ್ರ್ಯಾಪ್: ಓರ್ವನ ಬಂಧನ