ಲಲಿತ್ ಹೋಟೆಲ್​ನಲ್ಲಿ ರಹಸ್ಯ, ಭಾನುವಾರ ಸಿಗೋಣ: ನವಾಬ್ ಮಲಿಕ್ ಟ್ವೀಟ್

ಮಹಾರಾಷ್ಟ್ರ ಸಚಿವ ನವಾಬ್ ಮಲಿಕ್ ಟ್ವೀಟ್ ಮಾಡಿದ್ದು, ಭಾನುವಾರ ಮತ್ತಷ್ಟು ರಹಸ್ಯಗಳನ್ನು ಬಹಿರಂಗಗೊಳಿಸುವುದಾಗಿ ಟ್ವೀಟ್​ನಲ್ಲಿ ತಿಳಿಸಿದ್ದಾರೆ.

ಮುಂಬೈ(ಮಹಾರಾಷ್ಟ್ರ): ಕ್ರೂಸ್ ಶಿಪ್​ನಲ್ಲಿ ಡ್ರಗ್ಸ್ ಪಾರ್ಟಿ ಪ್ರಕರಣ ಬೇರೆ ಬೇರೆ ತಿರುವುಗಳನ್ನು ಪಡೆದುಕೊಳ್ಳುತ್ತಿದೆ. ಮುಂಬೈ ವಲಯ ಎನ್​ಸಿಬಿ ಅಧಿಕಾರಿಯಾದ ಸಮೀರ್ ವಾಂಖೆಡೆ ವಿರುದ್ಧ ಆರೋಪಗಳ ಸುರಿಮಳೆಯನ್ನೇ ಸುರಿಸಿರುವ ಮಹಾರಾಷ್ಟ್ರ ಸಚಿವ ಟ್ವೀಟ್ ನವಾಬ್ ಮಲಿಕ್​​ ಮಾಡಿದ್ದು, ಮಹಾರಾಷ್ಟ್ರ ರಾಜಕೀಯದಲ್ಲೇ ಸಾಕಷ್ಟು ಕುತೂಹಲ ಹುಟ್ಟುಹಾಕಿದೆ.

ಟ್ವೀಟ್​ನಲ್ಲಿ ಮೊದಲ ಬಾರಿಗೆ ದೀಪಾವಳಿಗೆ ಶುಭಾಶಯ ತಿಳಿಸಿರುವ ಅವರು, ಹೋಟೆಲ್ 'The Lalit' ಹಲವಾರು ನಿಗೂಢ ರಹಸ್ಯಗಳಿವೆ. ಭಾನುವಾರ ಸಿಗೋಣ ಎಂದಷ್ಟೇ ಟ್ವೀಟ್ ಮಾಡಿ ಕುತೂಹಲ ಕೆರಳಿಸಿದ್ದಾರೆ.

ಸಮೀರ್ ವಾಂಖೆಡೆಯ ವಾಚ್, ಶರ್ಟ್ ಹಾಗೂ ಧರ್ಮದ ಬಗ್ಗೆ ಟೀಕಾ ಪ್ರಹಾರ, ಆರೋಪ- ಪ್ರತ್ಯಾರೋಪ ಮಾಡಿದ್ದ ನವಾಬ್ ಮಲಿಕ್​ರ ಈ ಟ್ವೀಟ್ ಕುತೂಹಲ ಕೆರಳಿಸಿದ್ದು, ಅವರು ಹೇಳಿರುವಂತೆ ಭಾನುವಾರ ಮತ್ತಷ್ಟು ರಹಸ್ಯಗಳು ಹೊರಬೀಳುವ ಸಾಧ್ಯತೆ ಇದೆ.

ಇದನ್ನೂ ಓದಿ:ಮನೆ ಕಟ್ಟಲು ತೆಗೆದ ಬುನಾದಿ ಗುಂಡಿಯಲ್ಲಿ ಮುಳುಗಿ ಮೂವರು ಬಾಲಕರು ಸಾವು