ಔರಂಗಾಬಾದ್(ಮಹಾರಾಷ್ಟ್ರ) :ವೃದ್ಧೆಯ ಮೊಮ್ಮಗ ತನ್ನ ಮಗಳನ್ನು ಅಪಹರಿಸಿದ್ದಾನೆ ಎಂದು ಆರೋಪಿಸಿ, ವೃದ್ಧೆಯನ್ನು ವಿವಸ್ತ್ರಗೊಳಿಸಿ ಥಳಿಸಿದ ಘಟನೆ ಔರಂಗಾಬಾದ್ನ ಗಂಗಾಪುರದಲ್ಲಿ ತಾಲೂಕಿನಲ್ಲಿ ನಡೆದಿದೆ. ಅಲ್ಲದೇ ಥಳಿಸುತ್ತಿರುವುದನ್ನು ಅದೇ ಆರೋಪಿಗಳು ವಿಡಿಯೋ ಕೂಡಾ ಮಾಡಿದ್ದು ಸಾಮಾಜಿಕ ತಾಣದಲ್ಲಿ ಇದೀಗ ಆ ವಿಡಿಯೋ ವೈರಲ್ ಆಗಿದೆ.
ಸಂತ್ರಸ್ತ ವೃದ್ಧೆ ತನ್ನ ಮೊಮ್ಮಗನೊಂದಿಗೆ ಔರಂಗಾಬಾದ್ನ ಗಂಗಾಪುರ ತಾಲೂಕಿನ ಗಂಗಾಪುರ ಫಾಟಾದ ಪಾರ್ಧಿ ಬಡಾವಣೆಯಲ್ಲಿ ವಾಸಿಸುತ್ತಿದ್ದರು. ಆರೋಪಿಯಾದ ಓಜರ್ ಗ್ರಾಮದ ವಿವೇಕ್ ಅಲಿಯಾಸ್ ಚವಲ್ಯ ಪಿಂಪಲ್ ಮತ್ತು ಆತನ ಸಹಚರರು ಏಕಾಏಕಿ ಇವರ ಮನೆಗೆ ದೌಡಾಯಿಸಿ, ನಿಮ್ಮ ಮಗ ನಮ್ಮ ಮಗಳೊಂದಿಗೆ ಓಡಿ ಹೋಗಿದ್ದಾನೆ ಎಂದು ಆರೋಪಿಸಿ, ವೃದ್ಧೆಯನ್ನು ಗಂಗಾಪುರ ಕವಲುದಾರಿಯಿಂದ ತನ್ನ ಮನೆಗೆ ಕರೆದುಕೊಂಡು ಹೋಗಿ ಹೀನಾಯವಾಗಿ ಥಳಿಸಿದ್ದಾರೆ.