ತೆಲಂಗಾಣ:ರಾಜ್ಯದಲ್ಲಿದಿನೇ ದಿನೇ ಕೊರೊನಾ ಪ್ರಕರಣಗಳು ಹೆಚ್ಚಾಗುತ್ತಿದ್ದು ಇಂದಿನಿಂದ ಲಾಕ್ಡೌನ್ ಜಾರಿಯಲ್ಲಿದೆ.
ಬೆಳಗ್ಗೆ 6 ರಿಂದ 10 ರವರೆಗೆ ಅಗತ್ಯ ವಸ್ತುಗಳ ಖರೀದಿಗೆ ಅನುಮತಿ ನೀಡಿದ್ದು, ಬಳಿಕ ಲಾಕ್ಡೌನ್ ವಿಧಿಸಲಾಗಿದೆ. ಅಂತರ್‌ರಾಜ್ಯ ಬಸ್ ಸಂಚಾರ, ಖಾಸಗಿ, ಸರ್ಕಾರಿ ಬಸ್ ಪ್ರಯಾಣವನ್ನು ನಿಷೇಧಿಸಿ ಪ್ರತಿ ದಿನ 20 ಗಂಟೆಗಳ ನಿರ್ಬಂಧ ಘೋಷಿಸಲಾಗಿದೆ.
ಆದರೆ ರಂಜಾನ್ ಹಬ್ಬ ಸಮೀಪಿಸುತ್ತಿದ್ದು, ಈ ವೇಳೆ ಚಾರ್ಮಿನಾರ್ ಬಳಿ ವ್ಯಾಪಾರ ಎಂದಿನಂತೆ ಸಾಗುತ್ತಿತ್ತು. ಮಾಲಿಕರು ಅಂಗಡಿಗಳನ್ನು ತೆರೆದಿದ್ದು, ಗ್ರಾಹಕರು ಆಗಮಿಸುತ್ತಿದ್ದರು. ಆದರೆ ಪೊಲೀಸರು ಸ್ಥಳಕ್ಕಾಗಮಿಸಿ ಅಂಗಡಿಗಳನ್ನು ತೆರವು ಮತ್ತು ಬಂದ್ ಮಾಡುವ ಕಾರ್ಯ ಕೈಗೊಂಡಿದ್ದಾರೆ.
ಇನ್ನು ಅಗತ್ಯ ವಸ್ತುಗಳನ್ನು ಖರೀದಿಸಲು ಕೇವಲ ನಾಲ್ಕು ಗಂಟೆ ಅವಧಿ ನೀಡಿದ್ದರಿಂದ ಮಾರ್ಕೆಟ್ಗಳಲ್ಲಿ ಜನರು ಕಿಕ್ಕಿರಿದು ಸೇರಿದ್ದು ಗೋಚರಿಸಿತು.
ಕೆಲ ರೆಸ್ಟೋರೆಂಟ್ಗಳನ್ನು ಅವಧಿ ಮುಗಿಯುತ್ತಿದ್ದಂತೆ ಬಂದ್ ಮಾಡಲಾಗಿದೆ. ಆದರೆ ಇನ್ನುಳಿದ ಸಣ್ಣಪುಟ್ಟ ಸ್ಟಾಲ್ಗಳು, ಮೊಬೈಲ್ ಕ್ಯಾಂಟೀನ್ಗಳು ವ್ಯಾಪಾರ ಮುಂದುವರೆಸಿದ್ದವು.
ರಾಷ್ಟ್ರೀಯ ಹೆದ್ದಾರಿಗಳಲ್ಲಿರುವ ಪೆಟ್ರೋಲ್ ಬಂಕ್‌ಗಳು, ಕೃಷಿ ಚಟುವಟಿಕೆ, ವೈದ್ಯಕೀಯ ಸೇವೆಗಳು, ಆಸ್ಪತ್ರೆಗಳು, ಮೆಡಿಕಲ್ ಶಾಪ್, ಕೋಲ್ಡ್ ಸ್ಟೋರೇಜ್, ಬ್ಯಾಂಕಿಂಗ್ ಕ್ಷೇತ್ರಗಳು ಮತ್ತು ಮಾಧ್ಯಮಗಳಿಗೆ ಲಾಕ್ಡೌನ್ ಮಾರ್ಗಸೂಚಿಗಳಿಂದ ವಿನಾಯಿತಿ ನೀಡಲಾಗಿದೆ.
ಕೋವಿಡ್ ಮಾರ್ಗಸೂಚಿಗಳ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕೈಗಾರಿಕೆಗಳಿಗೆ ಕೆಲಸ ಮಾಡಲು ಅನುಮತಿ ಇದೆ. ಟೆಲಿಕಾಂ, ಇಂಟರ್ನೆಟ್ ಕಂಪನಿಯಲ್ಲಿ ಕನಿಷ್ಠ ಉದ್ಯೋಗಿಗಳೊಂದಿಗೆ ಕೆಲಸ ಮಾಡಬೇಕು. ಇ-ಕಾಮರ್ಸ್, ಹೋಮ್ ಡೆಲಿವರಿ ಸೇವೆಗಳು, ನಿರ್ಮಾಣ ವಲಯಕ್ಕೆ ಲಾಕ್ಡೌನ್ ಗಂಟೆಗಳಲ್ಲಿ ಕೆಲಸ ಮಾಡಲು ಅನುಮತಿ ಇದೆ ಎಂದು ತಿಳಿಸಿದೆ.
ಹಾಲು, ತರಕಾರಿಗಳು, ಡೈರಿ ಉತ್ಪನ್ನಗಳಿಗೆ ಅನುಮತಿ ಇದ್ದು, ಆರ್ಟಿಸಿ ಸೇವೆಗಳು ಬೆಳಿಗ್ಗೆ 6 ರಿಂದ ಬೆಳಿಗ್ಗೆ 10 ರವರೆಗೆ ಕಾರ್ಯನಿರ್ವಹಿಸುತ್ತಿವೆ.
