ಜೋಧಪುರ(ರಾಜಸ್ಥಾನ):ಖಾಸಗಿ ಶಾಲೆಯ ಶಿಕ್ಷಕರೊಬ್ಬರು ತನ್ನ ಹೆಂಡತಿ, ಮಕ್ಕಳನ್ನು ಹಿಗ್ಗಾಮುಗ್ಗಾ ಥಳಿಸಿ ಅರೆನಗ್ನವಾಗಿದ್ದ ಮಹಿಳೆಯನ್ನು ಮನೆಯಿಂದ ಹೊರದಬ್ಬಿದ್ದಾರೆ. ಅಲ್ಲದೇ, ಪತ್ನಿ ಗೊಳೋ ಎಂದು ಆಚೆ ಅಳುತ್ತಿದ್ದರೆ ಕ್ರೂರಿ ಶಿಕ್ಷಕ ಮನೆಯ ಒಳಗಡೆ ಊಟ ಮಾಡುತ್ತಿರುವ ದೃಶ್ಯ ವೈರಲ್ ಆಗಿದೆ. ಇದನ್ನು ಗಮನಿಸಿದ ಪೊಲೀಸರು ಶಿಕ್ಷಕನನ್ನು ಬಂಧಿಸಿದ್ದಾರೆ.
ಜೋಧಪುರ ಜಿಲ್ಲೆಯ ಫಲೋಡಿ ಪಟ್ಟಣದ ಖಾಸಗಿ ಶಾಲೆ ಕೈಲಾಶ್ ಸುತಾರ್ ಪತ್ನಿ ಮೇಲೆ ಹಲ್ಲೆ ಮಾಡಿದವರು. ಯಾವುದೋ ಕಾರಣಕ್ಕಾಗಿ ಪತ್ನಿಯ ಮೇಲೆ ಏಕಾಏಕಿ ಹಲ್ಲೆಗೆ ಮುಂದಾದ ಶಿಕ್ಷಕ, ಕೈಗೆ ಸಿಕ್ಕ ವಸ್ತುಗಳಿಂದ ಹೊಡೆದಿದ್ದಾನೆ. ತಲೆಯನ್ನು ನೆಲಕ್ಕೆ ಗುದ್ದುತ್ತಿರುವುದು ಸಿಸಿಟಿವಿ ವಿಡಿಯೋದಲ್ಲಿದೆ.
ಪತ್ನಿ, ಮಕ್ಕಳನ್ನು ಹಿಗ್ಗಾಮುಗ್ಗಾ ಥಳಿಸಿ ಮನೆಯಿಂದ ಹೊರದಬ್ಬಿದ ಶಿಕ್ಷಕ