ನವದೆಹಲಿ: ಟಾಟಾ ಸನ್ಸ್ (ಟಾಟಾ ಗ್ರೂಪ್ ಹೋಲ್ಡಿಂಗ್ ಸಂಸ್ಥೆ) ನ ಅಂಗಸಂಸ್ಥೆಯಾದ ಪನಾಟೋನ್, ಫಿನ್‌ವೆಸ್ಟ್‌ನೊಂದಿಗೆ ಒಪ್ಪಂದಗಳನ್ನು ಮಾಡಿಕೊಂಡಿದೆ. ಒಪ್ಪಂದದ ಭಾಗವಾಗಿ, ಕಂಪನಿಯು ಪ್ರತಿ ಈಕ್ವಿಟಿ ಷೇರಿಗೆ 258 ರೂ.ಗಳಂತೆ ಒಟ್ಟು1.94 ಕೋಟಿ ಈಕ್ವಿಟಿ ಷೇರುಗಳನ್ನು ಮಾರಾಟ ಮಾಡಿದೆ. ಇದರಿಂದಾಗಿ ಪನಾಟೋನ್ ಸಂಸ್ಥೆಗೆ 500 ಕೋಟಿ ರೂಪಾಯಿ ಆದಾಯ ಬಂದಿದೆ.
ಷೇರು ಹಂಚಿಕೆಯಾದ ದಿನದಿಂದ 11 ತಿಂಗಳ ಅವಧಿ ಮುಗಿಯುವವರೆಗೆ ಪನಾಟೋನ್ ಈ ಷೇರುಗಳ ಮೇಲೆ ಅಧಿಕಾರ ಹೊಂದಿರುತ್ತದೆ ಎಂದು ಹೇಳಿಕೆಯಲ್ಲಿ ಉಲ್ಲೇಖಿಸಿದೆ. ಇದಲ್ಲದೇ, 1.55 ಕೋಟಿ ವಾರಂಟ್‌ಗಳ ಹಂಚಿಕೆ ಮಾಡಲಾಗಿದೆ. ಪ್ರತಿಯೊಂದು ಈಕ್ವಿಟಿ ಷೇರಿಗೆ ಚಂದಾದಾರರಾಗುವ ಹಕ್ಕನ್ನು ಹೊಂದಿದೆ. ವಾರಂಟ್‌ಗಳ ಹಂಚಿಕೆಯ ದಿನಾಂಕದಿಂದ 18 ತಿಂಗಳ ಅವಧಿ ಮುಗಿಯುವವರೆಗೆ ಇದನ್ನು ಒಂದು ಅಥವಾ ಹೆಚ್ಚಿನ ಅವಧಿಯಲ್ಲಿ ಪನಾಟೋನ್ ಬಳಸಿಕೊಳ್ಳಬಹುದಾಗಿದೆ.
ಪನಾಟೋನ್, ತೇಜಸ್ ನೆಟ್‌ವರ್ಕ್‌ಗಳ 13 ಲಕ್ಷ ಈಕ್ವಿಟಿ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲಿದೆ. ಈ ಈಕ್ವಿಟಿ ಷೇರಿಗೆ 258 ರೂ. ಬೆಲೆ ನಿಗದಿ ಪಡಿಸಲಾಗಿದ್ದು ಒಟ್ಟು 34 ಕೋಟಿ ರೂ. ಆದಾಯ ಪಡೆದಿದೆ.
ಪನಾಟೋನ್ ಮತ್ತು ಟಾಟಾ ಸಮೂಹದ ಇತರ ಕೆಲವು ಕಂಪನಿಗಳು ತೇಜಸ್ ನೆಟ್‌ವರ್ಕ್‌ಗಳ 4.03 ಕೋಟಿ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಪ್ರಸ್ತಾಪ ಇಟ್ಟಿವೆ. ಸೆಬಿ ಸ್ವಾಧೀನದ ನಿಯಮಗಳಿಗೆ ಅನುಸಾರವಾಗಿ ಬಂಡವಾಳದ ಶೇಕಡಾ 26 ರಷ್ಟು ಪ್ರತಿನಿಧಿಸುತ್ತದೆ ಎಂದು ಕಂಪನಿ ತಿಳಿಸಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿದ ತೇಜಸ್ ನೆಟ್ವರ್ಕ್ಸ್ ಅಧ್ಯಕ್ಷ ವಿ.ಬಾಲಕೃಷ್ಣನ್, ಈ ವ್ಯವಹಾರವು ನಮಗೆ ಬೇಕಾದ ಆರ್ಥಿಕ ಸಂಪನ್ಮೂಲಗಳು, ಜಾಗತಿಕ ಸಂಬಂಧಗಳನ್ನು ಒದಗಿಸುತ್ತದೆ ಎಂದು ಹೇಳಿದ್ದಾರೆ.