ಕೋವಿಡ್ ಹೋಗಲಾಡಿಸಲು ಮೌಢ್ಯದ ಮೊರೆ.. ದೇವಿಗೆ ಪ್ರಾಣಿ ಬಲಿಕೊಟ್ಟ ತಾಂತ್ರಿಕ!

ಕೋವಿಡ್​ ಹೋಗಲಾಡಿಸಲು ಮೇಕೆ ಬಲಿ ಕೊಟ್ಟಿರುವ ಘಟನೆ ಬಿಹಾರದ ಗಯಾದಲ್ಲಿನ ಕಾಳಿ ದೇವಸ್ಥಾನದಲ್ಲಿ ನಡೆದಿದೆ.

ಗಯಾ(ಬಿಹಾರ): ಮಹಾಮಾರಿ ಕೊರೊನಾದಿಂದ ಜನರು ನಲುಗಿ ಹೋಗಿದ್ದಾರೆ. ಇದರ ತಡೆಗೆ ಕೇಂದ್ರ, ರಾಜ್ಯ ಸರ್ಕಾರಗಳು ಅನೇಕ ಕ್ರಮ ಕೈಗೊಳ್ಳುವಲ್ಲಿ ನಿರತವಾಗಿವೆ. ವಿಜ್ಞಾನಿಗಳು ಹಗಲು ರಾತ್ರಿ ಲಸಿಕೆ ತಯಾರಿಕೆಯಲ್ಲಿ ಮಗ್ನರಾಗಿದ್ದಾರೆ. ಇದೆಲ್ಲದರ ಮಧ್ಯೆ ಕೋವಿಡ್​ ನಿವಾರಣೆಗಾಗಿ ಇಲ್ಲೊಂದು ಗ್ರಾಮದ ಜನತೆ ಮೂಢನಂಬಿಕೆಯ ಮೊರೆಹೋಗಿದ್ದಾರೆ.

ವಿಶೇಷ ಪೂಜೆ ನಡೆಸಿದ ತಾಂತ್ರಿಕ

ಬಿಹಾರದ ಗಯಾದಲ್ಲಿನ ಕಾಳಿ ದೇವಸ್ಥಾನದಲ್ಲಿ ಈ ಘಟನೆ ನಡೆದಿದೆ. ತಾಂತ್ರಿಕನೋರ್ವ ಕೊರೊನಾ ನಿವಾರಣೆಗಾಗಿ ಪೂಜೆ ಮಾಡಿ ಕಾಳಿ ದೇವಿಗೆ ಮೇಕೆ ಬಲಿ ನೀಡಿದ್ದಾನೆ. ಈ ಸಂದರ್ಭದಲ್ಲಿ ಅನೇಕ ಗ್ರಾಮಸ್ಥರು ಹಾಜರಿದ್ದರು.

ಯಾವುದೇ ರೀತಿಯ ಸಾಂಕ್ರಾಮಿಕ ರೋಗ ಬಂದಾಗ ಇಲ್ಲಿ ಪ್ರಾರ್ಥನೆ ನಡೆಸಲಾಗುತ್ತಿದ್ದು, ಈ ಹಿಂದೆ ಕೂಡ ಅನೇಕ ಸಲ ಇಲ್ಲಿ ಪ್ರಾಣಿ ಬಲಿ ನೀಡಲಾಗಿದೆ. ವಿಶ್ವ ಶಾಂತಿ ಹಾಗೂ ಕೊರೊನಾದಿಂದ ಸ್ವಾತಂತ್ರ್ಯ ಪಡೆದುಕೊಳ್ಳುವ ಸಲುವಾಗಿ ತಾಂತ್ರಿಕ ವಿಶೇಷ ಪೂಜೆ ನಡೆಸಿ, ಪ್ರಾಣಿ ಬಲಿ ನೀಡಿದ್ದಾರೆ. ಓರ್ವ ಭಕ್ತ ಮೇಕೆ ನೀಡಿದ್ದಾಗಿ ತಿಳಿದು ಬಂದಿದೆ.