ಪ್ರವಾಹ ಪೀಡಿತ ಪ್ರದೇಶ ಭೇಟಿ ವೇಳೆ ನವದಂಪತಿಗೆ ಶುಭ ಕೋರಿದ ಸಿಎಂ ಸ್ಟಾಲಿನ್​

ಮಳೆ ಪೀಡಿತ ಪ್ರದೇಶಕ್ಕೆ ಭೇಟಿ ನೀಡಲು ಆಗಮಿಸಿದ್ದ ಸಿಎಂ ಸ್ಟಾಲಿನ್​ ನವದಂಪತಿಗೆ ಶುಭಕೋರಿದರು. ಮಾರ್ಗಮಧ್ಯೆ ಸಿಕ್ಕ ಮದುವೆ ಮನೆಗೆ ಭೇಟಿ ನೀಡದ ಅವರು ನೆರೆದವರಲ್ಲಿ ಅಚ್ಚರಿ ಮೂಡಿಸಿದರು.

ಚೆನ್ನೈ (ತಮಿಳುನಾಡು): ತಮಿಳುನಾಡಿನಲ್ಲಿ ಮಳೆ ಪ್ರವಾಹ ಮತ್ತೊಂದು ಆತಂಕಕ್ಕೆ ಕಾರಣವಾಗಿದೆ. ಹಲವು ಪ್ರದೇಶಗಳಿಗೆ ನೀರು ನುಗ್ಗಿ ಜನಜೀವನ ಅಸ್ತವ್ಯಸ್ತವಾಗಿದೆ. ಈ ನಡುವೆ ಮಳೆಯಿಂದ ಹಾನಿಗೊಳಗಾದ ಪ್ರದೇಶಗಳಿಗೆ ಸಿಎಂ ಎಂ.ಕೆ. ಸ್ಟಾಲಿನ್​ ಭೇಟಿ ನೀಡುತ್ತಿದ್ದಾರೆ. ಅಲ್ಲಿನ ಪರಿಸ್ಥಿತಿಯನ್ನು ಖುದ್ದಾಗಿ ಅವಲೋಕಿಸುತ್ತಿದ್ದಾರೆ.

ಇದೇ ರೀತಿ ಮಳೆ ಪೀಡಿತ ಪ್ರದೇಶಕ್ಕೆ ಭೇಟಿ ನೀಡುವ ವೇಳೆ ನವ ವಿವಾಹಿತರ ಭೇಟಿಯಾಗಿ ದಂಪತಿಗೆ ಅಚ್ಚರಿ ಮೂಡಿಸಿದ್ದಾರೆ. ಇಲ್ಲಿನ ಇಬಿ ಜಂಕ್ಷನ್​​ನ ಕನ್ನಡಾಸನ್ ನಗರದ ಬಳಿ ತೆರಳುವ ವೇಳೆ ಮಾರ್ಗಮಧ್ಯೆ ನವದಂಪತಿಯ ಕಂಡು ಅವರನ್ನು ಭೇಟಿ ಮಾಡಿದ್ದಾರೆ. ಸಿಎಂ ಸ್ಟಾಲಿನ್​ ಈ ಅನಿರೀಕ್ಷಿತ ಭೇಟಿಯಿಂದ ಮದುವೆ ಮನೆಯಲ್ಲಿದ್ದವರು ಒಮ್ಮೆ ಆಶ್ಚರ್ಯಕ್ಕೊಳಗಾಗಿದ್ದಾರೆ. ಬಳಿಕ ಸಿಎಂ ನವ ದಂಪತಿ ಜೊತೆ ಸುಮಾರು 10 ನಿಮಿಷಗಳ ಕಾಲ ಮಾತುಕತೆ ನಡೆಸಿದರು.

ಈ ವೇಳೆ ಸಿಎಂ ಭೇಟಿ ನೀಡಿದ್ದ ವಿಷಯ ತಿಳಿದು ನೂರಾರು ಮಂದಿ ಸ್ಥಳಕ್ಕಾಗಮಿಸಿ ಫೋಟೊ ಕ್ಲಿಕ್ಕಿಸಲು ಮುಗಿಬಿದ್ದರು. ನವ ದಂಪತಿಯೂ ಸಹ ಫೋಟೊ ತೆಗೆಸಿಕೊಂಡು ಕಾಲಿಗೆ ನಮಿಸಿ ಆಶೀರ್ವಾದ ಪಡೆದರು. ಇದಾದ ಬಳಿಕ ಸ್ಟಾಲಿನ್​ ಮಳೆ ಪೀಡಿತ ಪ್ರದೇಶಗಳಾದ ರಾಯಪುರಂ, ಆರ್​ಕೆ ನಗರ, ಪೆರಂಬೂರು ಪ್ರದೇಶಗಳಿಗೆ ತೆರಳಿ ಪರಿಶೀಲನೆ ನಡೆಸಿದ್ದರಲ್ಲದೆ, ಸಂತ್ರಸ್ತರ ಅಹವಾಲು ಆಲಿಸಿ ವೈದ್ಯಕೀಯ ಮತ್ತು ಆಹಾರದ ಸಾಮಗ್ರಿ ನೀಡಿ ತೆರಳಿದರು.

ಇದನ್ನೂ ಓದಿ:Cruise Drugs Case​: ಪಾರ್ಟಿ ನಡೆದ ಸ್ಥಳಕ್ಕೆ NCB SIT ಭೇಟಿ, 7 ಮಂದಿಗೆ ಸಮನ್ಸ್​