ನೆಲ್ಲೂರು(ಆಂಧ್ರಪ್ರದೇಶ): ಇಲ್ಲಿನ ನೆಲ್ಲೂರು ಜಿಲ್ಲೆಯಲ್ಲಿ ಪುರುಷ ಟೈಲರ್‌ವೊಬ್ಬರು ಮಹಿಳಾ ಪೊಲೀಸರ ದೇಹದ ಅಳತೆ ತೆಗೆದ ಘಟನೆ ವೈರಲ್ ಆಗಿದೆ. ನೆಲ್ಲೂರು ಪಟ್ಟಣದ ಉಮೇಶ್ಚಂದ್ರ ಸಭಾಂಗಣದಲ್ಲಿ ಪುರುಷ ಟೈಲರ್‌ವೊಬ್ಬರು ಸೆಕ್ರೆಟರಿಯೇಟ್ ಮಹಿಳಾ ಕಾನ್‌ಸ್ಟೆಬಲ್‌ಗಳ ದೇಹದ ಅಳತೆ ತೆಗೆದುಕೊಂಡಿದ್ದಾರೆ. ದುಃಖಕರವೆಂದರೆ ಮಹಿಳಾ ಪೊಲೀಸರು ಅಳತೆಗಳನ್ನು ನೀಡಿದ್ದಾರೆ. ಇದರ ಬಗ್ಗೆ ಯಾರಿಗೆ ದೂರು ನೀಡಬೇಕೆಂದು ಅವರಿಗೆ ತಿಳಿದಿಲ್ಲ. ಇವರೆಲ್ಲರೂ ಕವಲಿ ಮತ್ತು ಆತ್ಮಕೂರು ವಿಭಾಗದ ಕಾನ್‌ಸ್ಟೇಬಲ್ಗಳು ಎಂಬುದು ತಿಳಿದು ಬಂದಿದೆ.
ಅವರಿಗೆ ಸಂಬಂಧಿಸಿದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಘಟನೆಯ ಬಗ್ಗೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. 'ಪುರುಷ ಹೆಂಗಸರ ಬಟ್ಟೆ ಅಳತೆಯನ್ನು ಹೇಗೆ ತೆಗೆದುಕೊಳ್ಳುತ್ತಾರೆ ? ನಿಮ್ಮ ಮನೆಯಲ್ಲಿ ಮಹಿಳೆಯರನ್ನು ಈ ರೀತಿ ಮಾಡುತ್ತೀರಾ? ಎಂಬ ಪ್ರಶ್ನೆ ಈಗ ಸಾರ್ವಜನಿಕರ ವಲಯದಲ್ಲಿ ಕೇಳಿ ಬಂದಿದೆ.
ಘಟನೆ ಕುರಿತು ಎಸ್ಪಿ ವಿಜಯರಾವ್ ಮಾತನಾಡಿದರು:ಘಟನೆ ಕುರಿತು ಜಿಲ್ಲಾ ಎಸ್ಪಿ ವಿಜಯರಾವ್ ಪ್ರತಿಕ್ರಿಯಿಸಿದ್ದು, ಮಹಿಳಾ ಪೊಲೀಸರ ಸಮವಸ್ತ್ರದ ಜವಾಬ್ದಾರಿಯನ್ನು ಹೊರಗುತ್ತಿಗೆಗೆ ಒಪ್ಪಿಸಿದರು. ಮಹಿಳೆಯರು ಅಳತೆ ತೆಗೆದುಕೊಂಡಿದ್ದಾರೆ ಎಂದು ಗೊತ್ತಾದ ಕೂಡಲೇ ಸರಿಪಡಿಸಿದ್ದೇನೆ ಎಂದರು.
ಅಳತೆ ತೆಗೆದುಕೊಂಡವರಲ್ಲಿ ಮಹಿಳಾ ಟೈಲರ್‌ಗಳು ಮತ್ತು ಮಹಿಳಾ ಪೊಲೀಸ್ ಸಿಬ್ಬಂದಿ ಸೇರಿದ್ದಾರೆ. ವ್ಯಕ್ತಿಯೊಬ್ಬ ನಿಯಮಗಳಿಗೆ ವಿರುದ್ಧವಾಗಿ ಆವರಣ ಪ್ರವೇಶಿಸಿ ಫೋಟೋ ತೆಗೆದಿದ್ದಾನೆ. ಮಹಿಳೆಯರ ಖಾಸಗಿತನವನ್ನು ಉಲ್ಲಂಘಿಸುವ ಪುರುಷನ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದಿದ್ದಾರೆ.
ಘಟನೆ ಬಗ್ಗೆ ಹಲವು ರಾಜಕೀಯ ಮುಖಂಡರಿಂದ ಟೀಕೆ:ವೈಎಸ್‌ಆರ್‌ಸಿಪಿ ಸರ್ಕಾರದಲ್ಲಿ ಮಹಿಳೆಯರ ಸ್ವಾಭಿಮಾನಕ್ಕೆ ಧಕ್ಕೆಯಾಗುತ್ತಿದೆ ಎಂಬುದಕ್ಕೆ ನೆಲ್ಲೂರು ಘಟನೆಯೇ ನಿದರ್ಶನ ಎಂದು ಟಿಡಿಪಿ ನಾಯಕಿ ವಂಗಲಪುಡಿ ಅನಿತಾ ಆರೋಪಿಸಿದ್ದಾರೆ.