ಅಡಿಲೇಡ್ (ಆಸ್ಟೇಲಿಯಾ): ನೀವು ಹೆಚ್ಚು ಕಾಫಿ ಕುಡಿಯುತ್ತೀರಾ. ಒಂದು ವೇಳೆ ನೀವು ಕಾಫಿ ಪ್ರಿಯರಾದಲ್ಲಿ ಈ ವರದಿ ಓದಲೇಬೇಕು. ಹೌದು ದಕ್ಷಿಣ ಆಸ್ಟ್ರೇಲಿಯಾ ವಿಶ್ವವಿದ್ಯಾಲಯ ಕಂಡುಹಿಡಿದ ಸಂಶೋಧನಾ ವರದಿಯಲ್ಲಿ ಸತ್ಯವೊಂದು ಬಹಿರಂಗವಾಗಿದ್ದು, ಹೆಚ್ಚು ಕಾಫಿ ಸೇವನೆ ಮೆದುಳಿನ ಆರೋಗ್ಯ ಮೇಲೆ ಪರಿಣಾಮ ಬೀರಬಹುದು ಎಂದು ತಿಳಿಸಿದೆ.
ಹೆಚ್ಚಿನ ಕಾಫಿ ಸೇವನೆಯು ಮೆದುಳಿನ ಮೇಲೆ ಪರಿಮಾಣ ಮತ್ತು ಬುದ್ಧಿಮಾಂದ್ಯತೆಯ ಅಪಾಯವನ್ನು ತಂದೊಡ್ಡಬಹುದು ಎಂದು ಸಂಶೋಧನೆಯಲ್ಲಿ ತಿಳಿಸಿದ್ದಾರೆ. ಈ ಬಗ್ಗೆ 'ನ್ಯೂಟ್ರಿಷನಲ್ ನ್ಯೂರೋಸೈನ್ಸ್' ಜರ್ನಲ್ನಲ್ಲಿ ವರದಿಯಾಗಿದೆ. SAHMRIಯಲ್ಲಿರುವ ಯುನಿಸಾದ ಆಸ್ಟ್ರೇಲಿಯನ್ ಸೆಂಟರ್ ಫಾರ್ ಪ್ರೆಸಿಷನ್ ಹೆಲ್ತ್ ಮತ್ತು ಅಂತಾರಾಷ್ಟ್ರೀಯ ಸಂಶೋಧಕರ ತಂಡ ನಡೆಸಿದ ಈ ಅಧ್ಯಯನದಲ್ಲಿ 17,702 ಮಂದಿ ಭಾಗವಹಿಸಿದ್ದರು. ಆರು ಕಪ್ಗಳಿಗಿಂತ ಹೆಚ್ಚು ಕಾಫಿ ಕುಡಿದವರಲ್ಲಿ ಶೇ.53 ರಷ್ಟು ಮಂದಿಗೆ ಒಂದು ದಿನದ ಕಾಲ ಬುದ್ಧಿಮಾಂದ್ಯತೆಯ ಅಪಾಯ ಎದುರಾಗಿದೆ.