ನವದೆಹಲಿ: ಲೋಕಸಭಾ ಸ್ಪೀಕರ್ ಆಗಿ ಓಂ ಬಿರ್ಲಾ ಎರಡು ವರ್ಷಗಳನ್ನು ಪೂರೈಸಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿರುವ ಪ್ರಧಾನಿ ನರೇಂದ್ರ ಮೋದಿ, ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಶ್ರೀಮಂತಗೊಳಿಸಿದ ಹಾಗೂ ದೇಶದಲ್ಲಿ ಉತ್ಪಾದಕತೆ ಹೆಚ್ಚಿಸಲು ಕೈಗೊಂಡ ಐತಿಹಾಸಿಕ ಶಾಸನಗಳನ್ನು ಅಂಗೀಕರಿಸುವಲ್ಲಿ ಇವರ ಪಾತ್ರ ಬಹಳ ಮುಖ್ಯ.
ಮೊದಲ ಬಾರಿಗೆ ಸಂಸತ್ನಲ್ಲಿ ಎಲ್ಲಾ ಸಂಸದರಿಗೆ ಮುಕ್ತವಾಗಿ ಮಾತನಾಡಲು ಅವಕಾಶ ಕಲ್ಪಿಸಿದರು. ಬಿರ್ಲಾ ಲೋಕಸಭಾಧ್ಯಕ್ಷರಾದ ಬಳಿಕ ವಿವಿಧ ಸಮಿತಿಗಳನ್ನು ಬಲಪಡಿಸಿದರು. ನಮ್ಮ ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಅವರ ಪಾತ್ರ ಮಹತ್ವದ್ದಾಗಿದೆ. ಬಿರ್ಲಾ ಅವರಿಗೆ ಅಭಿನಂದನೆ ತಿಳಿಸಿ ಮೋದಿ ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ:ಕೇಂದ್ರ ಸಚಿವ ಸಂಪುಟ ಸಭೆ ವಿಸ್ತರಣೆ ; ಹೊಸ ಮುಖಗಳನ್ನು ಸೇರಿಸಿಕೊಳ್ಳುವ ಸಾಧ್ಯತೆ
2019ರಲ್ಲಿ ಕೋಟಾ ಕ್ಷೇತ್ರದಿಂದ ಎರಡನೇ ಅವಧಿಗೆ ಸಂಸದರಾಗಿ ಆಯ್ಕೆಯಾದರು. ಎರಡು ವರ್ಷಗಳ ಹಿಂದೆ ಈ ದಿನ ಲೋಕಸಭಾ ಸ್ಪೀಕರ್ ಆಗಿ ಅವಿರೋಧವಾಗಿ ಆಯ್ಕೆಯಾಗಿ, ಉತ್ತಮ ಸೇವೆ ಸಲ್ಲಿಸುತ್ತಿದ್ದಾರೆ.
ಪ್ರತಿಯೊಬ್ಬರ ಅಭಿಪ್ರಾಯ ಗೌರವಿಸುತ್ತೇವೆ’
ಇನ್ನೂ ಸ್ಪೀಕರ್ ಆಗಿ ಎರಡು ವರ್ಷ ಪೂರೈಸಿದ ಹಿನ್ನೆಲೆ ಮಾತನಾಡಿದ ಓಂ ಬಿರ್ಲಾ, ಸದನದಲ್ಲಿ ನಾವು ಪ್ರತಿಪಕ್ಷ ಸದಸ್ಯರ ಅಭಿಪ್ರಾಯಗಳನ್ನು ಗೌರವಿಸುತ್ತೇವೆ. ಒಬ್ಬ ಸದಸ್ಯರೂ ಇರುವ ಪಕ್ಷಕ್ಕೆ ಮಾತನಾಡಲು ಸಾಕಷ್ಟು ಸಮಯ ನೀಡುವುದು ನನ್ನ ಪ್ರಯತ್ನವಾಗಿದೆ. ಒಮ್ಮತದ ಆಧಾರದ ಮೇಲೆ ನಿರ್ಧಾರ ತೆಗೆದುಕೊಳ್ಳುವುದು ನನ್ನ ಆದ್ಯತೆ, ಬಹುಮತದಿಂದಲ್ಲ.
ಭಿನ್ನಾಭಿಪ್ರಾಯಗಳಿದ್ದಲ್ಲಿ ಪ್ಲೇ ಕಾರ್ಡ್‌ಗಳನ್ನು ತೋರಿಸುವುದು ಮತ್ತು ಸದನದ ಬಾವಿಯಲ್ಲಿ ಘೋಷಣೆಗಳನ್ನು ಕೂಗುವುದು ಸಂಪ್ರದಾಯ ಎಂದು ಸಂಸತ್ತಿನ ಸದಸ್ಯರು ವಾದಿಸುತ್ತಾರೆ. ಅಂಥ ಸಂಪ್ರದಾಯಗಳಿಂದ ಏನೂ ಮಾಡಲು ಸಾಧ್ಯವಿಲ್ಲ ಎಂಬ ಮನವರಿಕೆ ಮಾಡಲು ನಾನು ಯತ್ನಿಸುತ್ತೇನೆ ಎಂದರು.
ಕೆಲವು ಸಂಸದೀಯ ಸಮಿತಿಗಳ ಅಧ್ಯಕ್ಷರು, ಸಭೆಗಳನ್ನು ವಾಸ್ತವಿಕವಾಗಿ ನಡೆಸಬೇಕೆಂದು ಒತ್ತಾಯಿಸಿದ್ದಾರೆ. ಸಮಿತಿಗಳ ಸಭೆಗಳನ್ನು ಎಲ್ಎಸ್ ನಿಯಮಗಳ ಪ್ರಕಾರ ವರ್ಗೀಕರಿಸಲಾಗಿರುವುದರಿಂದ, ಅವುಗಳನ್ನು ವಾಸ್ತವಿಕವಾಗಿ ನಡೆಸಬಾರದು. ಎಲ್ಜೆಪಿಯ ವಿಷಯವು ಪಕ್ಷಾಂತರದ ವಿಷಯವಲ್ಲ.
ಆದರೆ ಸಂಸದೀಯ ಪಕ್ಷದ ನಾಯಕನ ಚುನಾವಣೆಯಾಗಿದೆ. ಎಲ್ಜೆಪಿ ಸಂಸದರು ಸಭೆಯನ್ನು ನಡೆಸಿ ನಡಾವಳಿಗಳನ್ನು ಲೋಕಸಭಾ ಸಚಿವಾಲಯಕ್ಕೆ ಸಲ್ಲಿಸಿದರು. ಪರಿಶೀಲನೆಯ ನಂತರ, ಅವರು ಆಯ್ಕೆ ಮಾಡಿದ ನಾಯಕನನ್ನು ಪಕ್ಷದ ಅಧ್ಯಕ್ಷನನ್ನಾಗಿ ನೇಮಿಸಿದ್ದಾರೆ ಎಂದು ಸ್ಪಷ್ಟನೆ ನೀಡಿದರು.
ನಮ್ಮ ಭವಿಷ್ಯದ ಅವಶ್ಯಕತೆಗಳನ್ನು ಗಮನದಲ್ಲಿಟ್ಟುಕೊಂಡು ಹೊಸ ಸಂಸತ್ತು ಕಟ್ಟಡವನ್ನು ನಿರ್ಮಿಸುವಂತೆ ಉಭಯ ಸದನಗಳು ಸರ್ಕಾರವನ್ನು ಕೋರಿದ್ದವು. ಹೊಸ ಕಟ್ಟಡ ನಿರ್ಮಿಸು ಪ್ರಸ್ತಾಪವನ್ನು ನಾವು ಸರ್ಕಾರದ ಮುಂದಿಟ್ಟಾಗ ಕೇಂದ್ರ ಅದಕ್ಕೆ ಒಪ್ಪಿಗೆ ನೀಡಿತು ಎಂದಿದ್ದಾರೆ.
