ಭುವನೇಶ್ವರ್ (ಒಡಿಶಾ): ಇಲ್ಲದನ ಯುವ ಪ್ರತಿಭೆಗಳು ಸೇರಿ ರೋವರ್ವೊಂದನ್ನು ವಿನ್ಯಾಸಗೊಳಿಸಿದ್ದಾರೆ. ಈ ರೋವರ್ನ ಪ್ರಾಯೋಗಿಕ ಪರೀಕ್ಷೆ ನಡೆಸಿದ ತಂಡ ನಾಸಾದ ಗ್ರೀನ್ ಸಿಗ್ನಲ್ಗಾಗಿ ಕಾಯುತ್ತಿದೆ. ರೋವರ್ ಫಾರ್ ನಾಸಾ ಹ್ಯೂಮನ್ ರೋವರ್ ಎಕ್ಸ್‌ಫ್ಲೋರೇಶನ್ ಚಾಲೆಂಜ್ನಲ್ಲಿ ಈ ರೋವರ್ ಭಾಗಿಯಾಗಿದೆ.
ಹೌದು, ಕಟಕ್ ಜಿಲ್ಲೆಯ ಯುವ ವಿಜ್ಞಾನಿ ಅನಿಲ್ ಪ್ರಧಾನ್ ಅವರ ನೇತೃತ್ವದಲ್ಲಿ 10 ಪ್ರೌಢ ಶಾಲಾ ವಿದ್ಯಾರ್ಥಿಗಳ ತಂಡವು ಈ Rover NaPSAT 1.0 ಅನ್ನು ವಿನ್ಯಾಸಗೊಳಿಸಿದ್ದು ಅದು ಚಂದ್ರ ಮತ್ತು ಮಂಗಳನ ಮೇಲ್ಮೈಯಲ್ಲಿ ಇಳಿಯುವ ಸಾಮರ್ಥ್ಯ ಹೊಂದಿದೆ. ಸೈಕಲ್ ರಿಪೇರಿ ಅಂಗಡಿ, ವೆಲ್ಡಿಂಗ್ ಶಾಪ್, ರಸ್ತೆ ನಿರ್ಮಾಣ ಕಾಮಗಾರಿಯಲ್ಲಿ ಕೆಲಸ ಮಾಡುತ್ತಿದ್ದ ಈ ವಿದ್ಯಾರ್ಥಿಗಳು ರೋವರ್ ತಯಾರಿಸುವ ಮೂಲಕ ದೇಶದ ಗಮನ ಸೆಳೆದಿದ್ದಾರೆ. ಯುವ ವಿಜ್ಞಾನಿ ನೇತೃತ್ವದ ವಿದ್ಯಾರ್ಥಿಗಳ ತಂಡದ ಕಾರ್ಯಕ್ಕೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗಿದೆ.
ಒಡಿಶಾದಲ್ಲಿ ವಿನ್ಯಾಸಗೊಂಡಿದೆ ವಿಶೇಷ ರೋವರ್ ಒಡಿಶಾ ತಂಡವು ಎಂಟು ತಿಂಗಳ ಕಾಲ ಕೆಲಸ ಮಾಡಿದ ನಂತರ ನಾಸಾದ ಮಾನವ ಪರಿಶೋಧನಾ ಮಿಷನ್ಗಾಗಿ ಈ ರೋವರ್ ಅನ್ನು ಸಿದ್ಧಪಡಿಸಿದೆ. ಈ ರೋವರ್ ನಾಲ್ಕು ಚಕ್ರಗಳನ್ನು ಹೊಂದಿದ್ದು, ಇಬ್ಬರು ವ್ಯಕ್ತಿಗಳು ಅದರ ಮೇಲೆ ಕುಳಿತುಕೊಳ್ಳಲು ಅವಕಾಶವಿದೆ. 2024 ರಲ್ಲಿ ನಾಸಾ - ಲೂನಾರ್ ಮಿಷನ್ ಮತ್ತು 2028 ರಲ್ಲಿ ಮಾರ್ಸ್ ಮಿಷನ್‌ನ ಮುಂದಿನ ಕಾರ್ಯಾಚರಣೆಗಳಲ್ಲಿ - ಬಾಹ್ಯಾಕಾಶ ಸಂಸ್ಥೆ ರೋವರ್ ಜೊತೆಗೆ ಓರ್ವ ಮಹಿಳೆ ಮತ್ತು ಓರ್ವ ಪುರುಷನನ್ನು ಕಳುಹಿಸಲಿದೆ.
ಈ ರೋವರ್ನ ಸಹಾಯದಿಂದ ಗ್ರಹಗಳಲ್ಲಿ ನೀರು ಮತ್ತು ವಿವಿಧ ಖನಿಜಗಳ ಉಪಸ್ಥಿತಿಯನ್ನು ಪರಿಶೀಲಿಸಲಾಗುತ್ತದೆ. ಅದಕ್ಕಾಗಿಯೇ ನಾಸಾ ಸೂಕ್ತವಾದ ರೋವರ್ ಅನ್ನು ಹುಡುಕುತ್ತಿದೆ. ಈ ಹಿಂದೆ ನಾಸಾ ಒಡಿಶಾ ಮಾಡೆಲ್ ರೋವರ್ನ ಕಾರ್ಯವೈಖರಿಯನ್ನು ಶ್ಲಾಘಿಸಿದೆ. ಈಗಾಗಲೇ Rover NaPSAT 1.0 ವಿಡಿಯೋವನ್ನು ನಾಸಾಗೆ ಕಳುಹಿಸಲಾಗಿದೆ. ಈ ಸ್ಪರ್ಧೆಯಲ್ಲಿ ವಿವಿಧ ದೇಶಗಳ ಹಲವಾರು ತಂಡಗಳು ಭಾಗವಹಿಸಿವೆ. ಆದರೆ ಒಡಿಶಾದ ಪ್ರೌಢ ಶಾಲಾ ತಂಡವು ಸ್ಪರ್ಧೆಯನ್ನು ಗೆಲ್ಲುವ ಭರವಸೆಯನ್ನು ಹೊಂದಿದೆ. ಏಕೆಂದರೆ ಅದರ ರೋವರ್ ಅನ್ನು ಈ ಮೊದಲೇ ನಾಸಾ ಎರಡು ಬಾರಿ ಪ್ರಶಂಸಿದೆ.
ಈ ಯುವ ವಿಜ್ಞಾನಿಗಳ ತಂಡ ದೇಶಕ್ಕಾಗಿ ತಮ್ಮ ಕೊಡುಗೆ ನೀಡಲು ಬಯಸುತ್ತದೆ. ಅದೊಂದು ವೇಳೆ ಒಡಿಶಾದ ರೋವರ್ ನಾಸಾದ ಮುಂದಿನ ಮಿಷನ್ಗೆ ಆಯ್ಕೆಗೊಂಡರೆ ಇಡೀ ವಿಶ್ವದಲ್ಲಿ ಒಡಿಶಾ ರಾಜ್ಯ ಮಾತ್ರವಲ್ಲ, ಇಡೀ ದೇಶವೇ ಕೀರ್ತಿಗೆ ಪಾತ್ರವಾಗಲಿದೆ
