15 ಸಾವಿರ ಹಣ ನೀಡಿದ ಅಂಧ ಮಹಿಳೆ: ಶ್ರೀಮಂತ ಭಾರತೀಯಳು ಎಂದ ಸೋನು ಸೂದ್​

ಅಂಧ ಮಹಿಳೆಯೊಬ್ಬರು 5 ತಿಂಗಳ ಪಿಂಚಣಿಯಾದ 15,000 ರೂ. ಗಳನ್ನು ಸೋನು ಸೂದ್ ಫೌಂಡೇಶನ್​ಗೆ ನೀಡಿದ್ದಾರೆ. ಈ ಹಿನ್ನೆಲೆ ಸೋನು ಸೂದ್​ ಅವರು ಈ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಿದ್ದಾರೆ.

ನೆಲ್ಲೂರು( ಆಂಧ್ರಪ್ರದೇಶ): ನೆಲ್ಲೂರು ಜಿಲ್ಲೆಯ ವರಿಕುಂತಪಾಡು ಗ್ರಾಮದ ಮಹಿಳೆಯ ಔದಾರ್ಯಕ್ಕೆ ಬಾಲಿವುಡ್​ ನಟ ಸೋನು ಸೂದ್​ ಮನ ಸೋತಿದ್ದಾರೆ.

ಅಂಧ ಮಹಿಳೆ ಬೊಡ್ಡು ನಾಗಲಕ್ಷ್ಮಿ

ಬೊಡ್ಡು ನಾಗಲಕ್ಷ್ಮಿ ಎಂಬ ಅಂಧ ಮಹಿಳೆ ತನ್ನ 5 ತಿಂಗಳ ಪಿಂಚಣಿಯಾದ 15,000 ರೂ. ಗಳನ್ನು ಸೋನು ಸೂದ್ ಫೌಂಡೇಶನ್​ಗೆ ನೀಡಿದ್ದಾರೆ. ಈಕೆ ಯೂಟ್ಯೂಬರ್ ಕೂಡ ಆಗಿದ್ದು, ಇವರ ಕೊಡುಗೆಯನ್ನು ಸೋನು ಸೂದ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಪ್ರಶಂಸಿಸಿದ್ದಾರೆ.

ಆಕೆಯನ್ನ "ಶ್ರೀಮಂತ ಭಾರತೀಯಳು" ಎಂದು ಕರೆದಿದ್ದಾರೆ. ಹಾಗೆ ನೋವನ್ನು ನೋಡಲು ಕಣ್ಣುಗಳು ಬೇಕಿಲ್ಲ. ಆಕೆ ನಿಜವಾದ ನಾಯಕಿ ಎಂದು ಗುಣಗಾನ ಮಾಡಿದ್ದಾರೆ.